又嚟偷懶系列~~ 香煎牛仔骨 由上星期開始, 米豬夜晚已經跟我地一齊食, 我冇再另外煮開比佢喇~~ (下晝有煮, 因為媽媽我繼續食水餃, 唔臭米氣) 所以要煮d米豬都可以一齊食ge野喇~~~ 調味有落, 但輕手d law~~   材料: 牛仔骨 4條 (我買紐西蘭0個隻, 因為個姨姨話林d) 醃料: garlic & herb 半茶匙 lemon pepper 1茶匙 garlic powder 小小 onion powder 小小 上次趁iherb特價差幾乎買齊全套, 好好用XD   做法: 1. 牛仔骨洗淨, 抹乾, 切件, 落醃料醃3小時(過夜更入味, 不過我今次3點醃完6:30煎都好夠味) 2. 中火熱鑊, 落油, 用筷子督落去聽到滋滋聲時, 就可以落牛仔骨喇~ 3. 中火煎到牛仔骨好似呢張相咁, d邊開始轉色, 牛仔骨開始出血水, 就可以反轉 4. 煎到條筋縮到下面張相咁, 督一督d肉, 如果冇血水出, 咁即刻已經熟咗, 可以上碟喇 5. 開飯嚕~~     煮食小貼士: 1. 買牛仔骨時不妨買質素好d, 紐西蘭同澳洲0個d都靚ga~~ 因為d肉林d, 所以小朋友食都唔會太un, 剪細小小就可以喇~ 2. 督d肉如果仲出血好勁, 你又怕其他熟咗ge位overcook ge話, 可以轉細火     米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/