見有媽媽話想比豆腐BB食, 但又想佢自己拎住黎食, 除左之前做過嘅昆布豆腐肉餅外, 今次呢道自製芝士魚腐一樣心水推介。 我用了三文魚,用其他魚都可以, 只要確保起肉後無魚骨便可, 做完之後可以煎,焗,或者蒸, 今次我就做左煎,因為阿囡鍾意食香口嘢, 而且我同Bella爸又可以一齊食埋餸飯。 《BB食譜:自製芝士魚腐》 材料(全部材料一定要瀝乾水): 布包豆腐1/2磚 三文魚柳薄切一塊 芝士20g 雞蛋1隻 粟粉/麵粉2茶匙 做法: 1. 三文用blender打成蓉。 2. 壓爛豆腐,並加入三文魚蓉拌。 3. 加入已打勻的雞蛋拌勻。 4. 加入粟粉/麵粉拌勻。然後用匙羹勺起“撻”回碗中,做來回20下左右,直到魚腐蓉較挺身。 5. 芝士切碎,並加入魚腐蓉內拌勻。 6. 平底鑊放少量油加熱後,調慢細火,平均放入魚腐蓉,輕輕按扁,慢火煎,期間不要移動它,之後可以輕搖平底鑊,感覺可以推動魚腐,便可以把它翻轉,同樣方法煎另一面。 *如果要蒸,則粟粉/麵粉多加一茶匙拌勻,於碟上放牛油紙,或塗一點油於碟上免黏,平均勺魚腐於碟上,之間要保留空間讓魚腐發大,輕按壓至扁平,水滾後大火蒸8分鐘,再轉中小火蒸4分鐘。 下次會用藜麥做BB食譜,記得留意facebook更新喇! < 許許與小BELLA > 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 媽媽經 親子日常