早前同小JM爸講起想回鄉探下公公婆婆，因為由我陀B後已經好少機會見到面，甚至小JM出世之後亦未有機會見，所以好掛坐住兩老，希望帶埋小JM一齊返去俾太公太婆見下，於是乎就開始計劃要為小JM申請回鄉證。   小提示: *其實如果唔想麻煩嘅可以喺拎出世紙當日就申請埋回鄉證架!* 所以爸媽們可以按需要而安排喔!   而家申領回鄉證其實都好方便，可以預早辦理網上預約，之後係指定日子上嘅時間到達就可以啦！ 網上預約→　網上預約取籌服務 1.) 選擇申請類別   2.) 填妥申請人資料   3.) 選擇申領地點   4.) 選擇申請日期及時段   5.) 完成彼就可以列印預約備忘     嬰幼兒 (0-10歲) 首次申領所需文件： 1.) 預約信 2.) 申請表格  【記得用A4紙雙面打印喔】   3.) 出世紙正本*   4.) 香港身份證*   5.) 護照*   6.) 父母雙方嘅身份證 及 回鄉證 正本　*副本需要正面及背面 小插曲: 因為申請當天只係得我陪小JM去，所以我無爸爸嘅身份證正本，只係得回鄉證正本。 而工作人員要求我係爸爸嘅副本上寫上以下字句： 「爸爸因有工作在身不能陪同前來申請回鄉證，因而未能提供身份證正本。」 雖然覺得奇怪，因照寫係啦～XD   7.) 相片 相片小提示: 其實申領回鄉證所用嘅相片規格比較嚴謹， 所以建議爸媽們不妨帶小B去快圖美一剔過攪會比較方便快捷！ 而家快圖美影回鄉證相片就HKD$80-包咗8張相之餘仲會幫你Send埋去俾中旅社睇合唔合乎規格添。 成功就會收到一張由中旅社發出嘅『檢測回執』； 唔成功的話係可以免費重影嘅。 *記得KEEP好張『檢測回執』，申請當日係需要帶埋架！*   8.) 費用：5年期HKD$260-；10年期HKD$390-。     *代表需要提供一式兩份之副本* 影印小提示: 唔記得影印副本的話，其實中旅社係有得影印架。 當然，大前提係要你有份文件係手啦！ 影印每頁都只係HKD$2- 當日我一共印咗13頁，都係HKD$26咋!   如果好似小JM媽咁，無爸爸嘅身份證係手，又要係Email度印出來就要去影相鋪啦。 盛惠每張HKD$10- 而整個申請程序一般需時十二個工作天嘅! 申請完成後工作人員就會俾一張『領取證件回執』你， 只要根據證件回執上嘅日期到取證地點就可以拎到回鄉證架啦！   領證所需文件： 1.) 領取證件回執 2.) 香港身份證 3.) 或護照 *工作人員曾經提示小朋友因為身份證上未有相片嘅關係，必須帶埋護照！*   自助取證系統 原來唔講唔知，中旅社已經將取證服務簡化成自助服務，真係大大節省咗輪侯時間！ 不論係換領回鄉證抑或新申請都一樣用得!   你又用過自助取證系統未? 未? 唔緊要一於等小JM家同你分享下有幾易操作啦！ 1.) 先將『領取證件回執』係取證查詢機掃瞄一下，就會知道你嘅證件存放係幾多號機。 2.) 再次掃瞄『領取證件回執』 3.) 將身份證有資料嘅一邊擺向掃瞄器 4.) 完成後就可以係出卡口領出回鄉證 5.) 領證機旁邊有證件膠套可供使用 6.) 而完成整個程序後就可以將『領取證件回執』放到回收箱就得架啦!   ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）