位於中西區海濱長廊 — 西區副食品批發市場段嘅海濱公園正常開放喇！ 今日帶唯b去睇下有咩好玩先 一入到去就有兒童玩樂設施：主要係兩個瀡滑梯同平衡木。 另外仲有草地俾人野餐，放完電喺草地睇日落應該唔錯 雖然場地有啲遠，亦唔算多嘢玩 不過，唯b真係好興奮，所以都值得去嘅 點去： 搭地鐵嘅話，可以喺香港大學站落車，最近係B1出口，但只有長電梯，如果有bb車要搭Lift就要喺B2出口出，行12-13分鐘左右就到！ 嬰幼兒設施： 有一個育嬰室，入面有一張長枱、換片台同洗手盆，以室外嘅育嬰室嚟講尚算乾淨 推介度： 一般，但香港有兒童玩樂設施嘅海濱公園唔算多，可以去玩下！ 如有興趣看更多自理寶寶的育成和BLW的分享，歡迎按此到我們的Facebook Page：）