做父母既，最想小朋友痴既、中意既都係自己。但奈何好多父母都要為左生計，而要返工，同小朋友相處既時間少左，小朋友就親多左照顧佢地既人。但只要爸爸媽媽放工、放假個陣，陪返小朋友玩，同佢地一齊完成某d事個陣，小朋友都會好開心，好樂意痴返你！ 話說，我有一個細我十幾年既細佬，一早就當左佢係半邊仔，但我地唔係成日見，感情真係無以前咁好，所以我襯住媽咪生日，報左一個整蛋糕既班，希望可以同細佬建立返一個親密d既感情關係。 當日我地去左上蛋糕班，當中有好多野我地要合作、分工一齊做，好似要打蛋咁，我攰個陣到佢打，佢攰個陣又到返我幫手，係整既過程又傾多左計，見到佢有d地方做得好又會贊下佢，令佢覺得呢段相處時間係舒服開心。同時，呢d比較輕鬆愉快既興趣班可以令小朋友無咁大壓力，唔會覺得爸爸媽媽淨係識叫佢地做功課、溫書、補習！又學到野，又可以開開心心咁玩，一舉兩得！ 去到整糖皮個陣，我地都整唔同既卡通人物，整好完成品之後，大家都好開心，佢仲好有成功感添！事後仲同返我講玩得好開心，希望下次又可以同佢再去！ 我去呢間整蛋糕既地方，好多爸爸媽媽都會同埋小朋友一齊去添架！個到既老師仲對小朋友好有愛心同耐性添！ 要同一個無咁痴自己既人建立返親密既關係，其中好重要既一part係要一齊完成某d事，當中可以增加合拍性、溝通、互相幫助等，到見到個成果，可以令小朋友感受到當中既樂趣，令佢覺得同你一齊玩係一件好開心既事。所以，各位在職既爸爸媽媽都唔好灰心，只要有時間陪小朋友玩，做d一齊玩既事，小朋友就會好快痴返你架喇！最緊要係個過程入面，令佢地覺得開心，無壓力！ 中意我既分享，可以留意我Facebook同IG會，比個like我，仲會更快知道我既Update架！ Facebook：https://www.facebook.com/90sMummy/ Instagram: https://www.instagram.com/minarainlo/