天氣時冷時熱, 真係好易病. 爸爸今年氣管敏感發作, 周不時咳個不停, 尤其遇着轉天氣或空氣質素差的時侯, 就更加嚴重. 要紓緩氣管敏感, 傷風咳嗽既情況, 煲D止咳潤肺既湯水補充下都好有幫助. 今次介紹這款以龍脷葉, 麥冬, 石黃皮, 雪梨乾, 海星加天山雪蓮果煲既湯水, 有止咳化痰既功用, 味道仲十分鮮甜好味, 小朋友都一定喜歡飲. 龍脷葉和石黃皮: 化痰止咳 麥冬: 養陰生津、潤肺清心, 治療肺燥乾咳、陰虛勞咳、喉痹咽痛, 內熱消渴 雪梨乾: 潤喉止潤燥. 天山雪蓮: 清肝解毒,潤肺通便,防治暗瘡,消除便秘,降血壓,降血脂,降血糖 海星: 化痰止咳, 健脾益胃    材料:  龍脷葉                  1-2兩  石黃皮                  約10粒 (略拍鬆)  乾海星                  3-4隻  麥冬                      1兩  雪梨乾                  半兩  南北杏                 適量  果皮                     2片  蜜棗                     2顆 天山雪蓮             1個 (去皮切件 )  粟米                     1條 (切件)  湯骨/瘦肉            適量  ​ 先把瘦肉/湯骨汆水, 其他材料浸洗乾淨後, 加入同煲滾10分鐘, 後轉慢火煲2小時, 加鹽即可. ​ 新鮮龍脷葉和石黃皮在一般有賣草藥的菜檔或街邊一些婆婆擺的檔攤有售. 海星則可在海味店購買, 價錢十分便宜.  這個湯水真的很鮮甜, 對於傷風後有咳嗽, 痰多, 容易氣速, 氣管敏感的人士也適合飲用, 潤而不燥, 適合任何體質.  ​ 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤Beauty Exchange❤ ❤weshare❤ ❤Qooza❤ ❤ULifestyle❤ ❤博勢力❤ ❤esdlife❤ ❤chef-diary❤ ❤OpenRice❤ ❤mamibuy❤ ❤ubaby❤ ❤Oh!爸媽❤