想過優悠寫意嘅假期? 一於去大美督啦，踩單車上堤壩欣賞水塘同海景，又可以放下風箏，或者划船仔吹下海風釣下魚，去埋燒烤場BBQ，有得食有得玩有得鬆，玩盡full day！ 行程推介：大美督燒烤場(自備燒烤食品或於士多買燒烤包) ➡️ 龍尾村租單車(~$70-100/hr，價錢視乎車種) ➡️ 水塘堤壩 ➡️ 碼頭划船仔 (~$80-100/hr或自備橡皮艇) ➡️ 大埔墟食甜品 (亞婆豆腐花) 賣點：燒烤場內既燒烤爐新淨同數量多，鄰近單車鋪同士多，價錢相宜又方便，小朋友大人放電一流！ 先係燒烤場搵定燒烤爐，開火燒，醫飽肚仔先去玩! 係巴士總站旁龍尾村租單車踩上堤壩，上圖mini版高卡車好受歡迎，數量少，好快租晒，個個小朋友見到都想玩! 帶左隻私家橡皮艇，小朋友一見到即當彈床玩，個個爭住落水，淘寶貨來講十分抵玩! 想安全D既，可以去返士多租舢舨，有埋救生衣! 4人船一個鐘要$80，價錢稍高! 小朋友玩夠，都要飲下汽水食下雪條散熱! 玩夠又食飽梗係要嘆埋日落先啦，蝦子細佬一早上小山丘霸定好位! 夕陽無限好，只是近黃昏! 是日活動所有小朋友都玩得好開心，大家都有個快樂童年~~ 注意事項: 燒烤爐係假日12點多數都full，搵唔到爐可以去士多租，即興都可以買燒烤包，燒烤場既停車場未到朝早10點就爆, 建議搭巴士或小巴更方便; 堤壩愈晏愈多人，單車多過人，建議早去早享受! 更多親子活動推介，即LIKE鯨魚家姐‧蝦子細佬專頁啦! https://www.facebook.com/KaileynKarson/