一直都好鍾意睇卡通片嘅我，最愛彼思動畫嘅怪獸公司毛毛、大眼仔以及Toy Story嘅胡迪。個展由上年11月就開始咗，遲遲都未去。因為好怕超多人…終於喺農曆新年趁放假就約咗朋友一齊去睇啦~     從正門口入，上電梯就見到超人特攻隊 (The Incredibles)。 正門外仲有Inside Out嘅人物Figure可以俾遊客影相留念。   人流唔算好多，不過兩個大人帶住連同兩個豆釘，我哋有少少走馬看花咁睇完一個展覽。   一入場仲有單張、小禮物送，係Pixar動畫人物嘅便利貼。   　　   一入場，入面嘅環境比較暗，有一種神秘感，而正門就播放住Pixar動畫嘅連串短片。     仲有好多Pixar動畫嘅親筆手稿，Inside out、ToyStory、怪獸公司、反斗車王等。           仲有塑型嘅Figure。       邊個話動畫淨係啱小朋友o架? 其實做人父母，都需要有點童真先可以溝通得到。     近地下探知館仲有「藝術風景」放映節目，影片時間大概15分鐘。嚟到展覽一定要睇欣賞，因為影片真係做得好靚！記得先到近地下電梯口旁換領一張飛仔，先可以進場欣賞電影呀～     而今次嘅展，展館各個地方都有擺放部份動畫人物嘅Figure俾大家影相留念。除咗文章前端提及嘅超人特攻隊、Inside Out，另外仲有以下人氣嘅人物Figure。   男孩最愛嘅反斗車王 (The Cars)嘅麥坤。     鍾意玩車車嘅女孩，當然要用麥坤影返張相啦~     怪獸公司/ 怪獸大學嘅毛毛同大眼仔米高       設於地下近兒童探知館正門口外的ToyStory三眼仔及巴斯光年           Pixar彼思動畫30年展 @ 沙田文化博物館   展覽期：2017年11月18日–2018年3月5日 地址：新界沙田文林路一號 開放時間： 星期一、三至五 : 10am - 6pm 星期六、日及公眾假期 : 10am - 7pm時  **星期二休館** 入場費：成人$20; 優惠票$10* *全日制學生、殘疾人士及一名同行照料者及60歲或以上高齡人士。   http://www.heritagemuseum.gov.hk/zh_TW/web/hm/exhibitions/data/exid247.html     -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。