小JM媽細細個就已經好鍾意食叉燒， 仲親眼見過師傅們用個大爐燒叉燒添， 真係好佩服啲師傅大熱天時下為我地燒叉燒。   其實小JM嘅公公都係一位廚師，亦都有燒過叉燒， 所以小JM媽先有機會見識一下。 而係小JM媽心目中，最好食嘅叉燒一定係出自爸爸手上。 只可惜已經無機會再食到。   為咗可以食到好味嘅叉燒， 小JM媽真係自己落手落腳整俾家人食架， 最緊要係屋企人啱食嘛。     【自家製。簡易惹味叉燒】   材料： 軟骨黑毛豬扒 生抽　　　　　一湯匙 紹興酒　　　　兩湯匙 叉燒醬　　　　五至六湯匙 麥芽糖　　　　適量（可按個人喜好而定）   做法： 1.)　先將豬肉稍為清洗乾淨， 　　抹乾水份，備用。   2.)　調配醃料以醃製豬扒 　　將生抽、紹興酒及叉燒醬倒入碗中攪勻   3.)　取出麥芽糖，並加入碗中一同攪拌 　　（可按個人喜好加多或減少麥芽糖份量喔！）   4.)　將已洗淨豬扒放入保鮮密實袋中， 　　並將已調配好嘅醃料一同倒入密實袋中以醃製。 　　醃製時間最好不少於三小時。 　　 　　小提示： 　　入袋後可慢慢輕輕按摩一下豬扒，令醃料更均勻   5.)　預先將焗爐預熱至180度，上下發熱線都要全開喔。   6.)　取出已醃製好嘅豬扒，連一半醃料一同以錫紙包裹好再放入預先預熱嘅焗爐內， 　　先焗45 分鐘，再取出翻轉焗另一邊10分鐘，即成。   　　小提示： 　　若果想無咁易燶同唔會整污糟烤盤嘅話， 　　建議包兩層錫紙喔！ 　　另外，要係翻轉後加入剩餘嘅醃料，咁就會更加美味同多汁。   整完叉燒其實只不過係下一道菜嘅前奏咋， 想知我來緊會整咩？ 記得密切留意啦！     ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）