做左全職媽媽之後的確多左時間可以同小JM撐枱腳同High-Tea！ 媽媽亦好樂意得閒個陣整下甜品或下午茶同小JM食， 因為爸爸唔好食甜品，所以唯有搵小JM陪下媽媽， 滿足一下媽媽既為食慾望！   今日媽媽又來攪攪新意思， 整左個小小既滋味下午茶一齊同小JM嘆！   【烤焗蘋果麵包布甸】 材料： 嘉頓去皮方包 數片 雞蛋 一隻 牛奶 一盒 日本蘋果 半個 紅莓乾 適量 提子乾 適量 糖 可按個人口味調較   *小JM既下午茶係無糖版喔!*   做法： 1.) 預熱焗爐至180度   2.) 先將蘋果去皮, 切成小片 再將蘋果磨成蘋果蓉,備用   3.)  將雞蛋打勻, 再加入蘋果蓉,備用   4.) 預備好牛奶 (如需加糖, 可以加入牛奶中攪拌) 將牛奶加入蛋液及蘋果蓉內攪拌   5.) 取出數片已去邊方包,  先切成條, 再切成小塊並置於碗中   6.) 將已經預先攪拌好既牛奶蘋果蓉蛋液加入碗中   7.) 最後在面頭加上紅莓乾或提子乾   8.) 完成後即可放入焗爐烤約30分鐘左右, 即成   如果想面層脆口一啲， 蛋液可以唔駛加太滿。 而且加咗蛋液後亦唔需要按壓麵包。 對於呢個咁香甜味美嘅下午茶，小JM亦表示好喜歡， 緊係啦，表層有小JM最鍾意嘅紅莓乾同提子乾呀嘛。       ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）