好多星星嘅聖誕樹呀！小朋友見到實會好開心 製作過程中冇點影相，所以借用咗兩張網上圖片。第一次整，製成品外型有待改善 材料： 高筋麵粉 200g 蛋液 40g 糖 15g 鹽 2g 奶 90g （我今次用燕麥奶） 無鹽牛油 20g 速發酵母 2.5g 做法： 1. 將全部材料(除咗牛油、鹽）倒入麵包機製成麵團，約5分鐘後再加入鹽和牛油 （冇麵包機可用手搓至麵團光滑） 2. 搓好麵團後，將麵團分割成20/30/40/50/60/75/90g嘅麵團，搓圓之後，鋪上保鮮紙等麵團鬆弛20分鐘 3. 喺烘培墊撒少少麵粉，先用木棍將20g嘅麵團碌成圓形，用刀輕壓表面，一分為六，並由中間點切開，分為兩個半圓，但頂部唔好切斷 （網上圖片） 4. 將麵糰打開，沿壓線切開，但唔好切斷頂部，切開後會有6個小三角形，向外展開，將小三角形變成一個六角星形，輕壓接口 （網上圖片） 5. 其餘麵團做法一樣 6. 焗盤舖上牛油紙，將7個六角星形麵團放上焗盤同放入焗爐發酵約50分鐘 7. 發酵後，以180度預熱焗爐10分鐘 8. 將麵團放入焗爐以180度焗15-20分鐘 9. 把六角形星星疊高做成聖誕樹就完成 祝大家聖誕快樂！   如有興趣看更多自理寶寶的育成和BLW的分享，歡迎到唯B的小空間：https://www.facebook.com/weplaynlearn/