岩岩早幾日去完大阪旅行， 剛好遇上颱風，以致行程受阻， 但可幸既係大家都平安無事， 只係比預期延遲左一日半先返到香港。   返到香港大家都真係攰到一個點， 所以趁住放假有時間就即時煲返個清潤既湯水俾大家滋潤下， 就算入秋都無有怕啦！   今次要煲既就係 － 竹蔗茅根馬蹄紅蘿蔔粟米湯   小提示： 竹蔗茅根都係屬性寒涼既，所以好多時都會使用兩者一齊煮成涼茶清熱。   竹蔗：    具有清熱、生津潤燥既作                 而且含多種維生素、氨基酸、鈣、磷、鐵 茅根：    有利尿功效 馬蹄：    含有粗纖維、粗蛋白、鈣、磷、鐵和維生素C,                有助清熱、涼血、利尿、通便、解毒、化痰   雖然以上幾樣都係屬寒性，但只要加入生薑、果皮一齊煲就可以平衡返， 變成性質溫和，適個一家大細飲用既湯水架啦！ 中醫話孕媽媽飲左有助舒緩孕吐添架。     竹蔗茅根馬蹄紅蘿蔔粟米湯 材料：（一至四人份量） 竹蔗                2大條 茅根                一小束 馬蹄                10粒 粟米                1~2條 生薑                數片 紅蘿蔔            一個   做法： 1.    先將所有材料洗淨，備用。     再將馬蹄、紅蘿蔔去皮。   2.    將竹蔗、粟米、紅蘿蔔切段，備用。 3.    煲滾開水，將材料加入已煮滾既開水中煲 1.5 －2小時即成。   小提示： 因為材料屬寒涼， 可以於煲滾時加入生薑，或按需要加入果皮， 以令湯變得溫和。如想加入肉類增加鮮味亦可。   做法簡單方便，味道清甜易入口， 真係岩晒唔夠訓又食得多熱氣野既JM爸添！     同場加映： 小JM小熊午餐Look 整完靚湯俾大小JM，當然都唔少得小JM既午餐啦。 今次真係大龍鳳，整公仔又整青瓜。 不過見到小JM食得咁開心都抵返晒既～＾＾～         ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）