昨日難得自己不用帶幼童軍集會兼昕昕開始上舞蹈班前最後一個星期日，所以我在網上報了奇華餅家的唧花曲奇工作坊，昕昕好開心可以跟我一齊上整野食的親子班，其實係我本身想學整曲奇餅，昕昕只係陪我學整野食(^_-)     在工作坊有導師示範製作方法，昕昕好專心咁睇~~~     昕昕好乖咁幫手將糖粉放入盆內待拌勻，我呢個幫手就乘機影影影，其實我們要兩對親子共用一個攪拌機，所以大家都用心製作，材料一早已經由導師預備好，正常唔會有太大落差(^_^;)       攪拌期間我們要用膠刮約在攪拌機中間的材料撥開~~~       最後攪拌麵粉和奶粉，開始時要用較細力度攪拌，因為擔心麵粉會四處飄~~~       做唧花當然要整好唧咀和放材料入袋~~~       我們今次每人可以製作48塊曲奇餅，導師教我們唧花，初初教我們唧圓形，而且可以放細粒的小食點綴~~~       完全兩底後我們便放入焗爐，焗爐本身已經預先保持在170度，我盆曲奇餅先焗15分鐘，之後換方向再焗4分鐘就完成，圖下面果盆係導師的製成品~~~       其實我和昕昕的製成品都不錯，因為主要係我唧花，在第二盆我唧了心型花，其他的媽媽見到都讚我整好好睇＼(^o^)／       本身為了響應環保自備食物盒，沒想到我帶的食物盒空間不足，只好要求另外拎紙盒擺放曲奇餅-_-#       唧花曲奇餅食譜（約48塊）   材料： 麵糰： 咸牛油    163克 糖粉        57克 砂糖        36克 奶粉        26克 低筋麵粉 120克 高筋麵粉 105克 蛋            45克   配料： 黑芝麻 合桃 紅車厘子 南瓜籽   做法： 1. 將低筋麵粉及高筋麵粉混勻並過篩，備用 2. 把已放至軟身的咸牛油、砂糖及糖粉用攪拌機以中速打發至軟身 3. 加入已篩過的麵粉、奶粉及蛋，拌勻成麵糰，拌至變色，備用 4. 將麵糰加入已套唧花咀之唧袋中 5. 於烤盤上噴水，把牛油紙放上烤盤 6. 於牛油紙上唧成24粒約3cm直徑之圓形曲奇，餘下的麵糰備用 7. 於曲奇面鋪上面料 8. 放入預熱焗爐170度烘焙14至16分鐘，即成   以下是我們的FACEBOOK專頁連結，裡面會有一些昕昕的生活照片和不同資訊分享^^      小玉雜記   生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W=     我的網誌~~~ Google blog theztyle blog Mybb.com blog Bkmilk blog She blog (New)     She blog (Old) Elle Blog WOW Blog WeShare 媽咪幫mamibuy U Blog   我的飲食分享：   如有任何Blogger活動邀請或試用，可以聯絡我的電郵：   mandylau55@gmail.com