今年中秋節小JM終於可以親身體驗一下中秋既氣氛啦！ 我地仲同小JM一齊係中秋創造左好多個「第一次」添。 今次仲係小JM第一次玩燈籠同食月餅添架。 所以爸爸媽媽都有為小JM影相留念。 而趁住今日咁好天氣， 我地就帶左小JM同朋友一齊去海洋公園玩返餐飽既！ 海洋公園小簡介： 香港海洋公園位於香港島南面，係1977年開幕， 係一個以海洋動物為主題既樂園， 佔地超過91.5萬平方公尺， 分「海濱樂園」及「高峰樂園」兩個景區，由架空纜車及海洋列車連接。 海洋公園，相信爸爸媽媽們都唔會陌生， 亦都可能已經去過無數次添。 最近海洋公園附近落成左新既地鐵站，所以去玩就方便好多。 由金鐘站去海洋公園都只不過係十數分鐘， 比起以前要轉巴士真係方便左同快左好多！ 入到園區我地已經見到有5位萬聖節既南瓜精靈出來跳舞， 小JM亦都伴隨音樂而跳左幾下。 為我地既海洋公園之旅打開一個序幕！ 原來唔經唔覺海洋公園已經踏入40週年， 既然係咁就更加要帶小JM入園玩一餐，體驗一下啦！ 今次去海洋公園其實可以話係去大阪前既熱身， 正好俾小JM預先體驗同感受一下去海洋館睇魚魚既感覺。 但因為臨近萬聖節既關係， 園內都多左好多萬聖誕既裝飾， 同時亦有工作人員係園內扮鬼扮馬去嚇人， 可惜呀，嚇唔到小JM。。。 有個扮緊鬼怪既工作人員直頭話：「佢（小JM）唔理我，無視我。」 之後就慢慢地離開。。。 （嗯，的確係幾Sad既。。。哈哈） 我地第一個去既園區就係 －海洋奇觀 館內既微弱燈光營造出令人彷如置身海洋既感覺， 周圍又被各類魚類所包圍，真係足以令大人同小朋友都為之興奮。 一入到館內小JM已經被魚魚所吸引， 企係大魚缸前不停叫：魚魚～魚魚～ （同行既朋友仔都係叫魚魚，但此魚不同彼魚～XD） 行到館內較為入啲暗啲既地方個陣， 爸爸都好細心，知道小JM唔夠高，所以會抱起小JM一齊睇魚，同小JM講係咩魚。 雖然小JM未識分辨，但都會學爸爸口吻講野。 小JM見到大八爪魚個陣都唔驚，仲同八爪魚先生Say " Hallo!" 添。 但有樣野小JM原來都會怕怕，就係水母啦！ 雖然水母係我地大人眼中係好靚既海洋生物， 但係小JM就顯得好抗拒， 第一次接近個陣仲未有咩反應，過左幾秒就即時叫： Nope Nope Nope～ 爸爸見到呢個情形就緊係唔會放過， 要整估下小JM，不停將小JM抱近水母。 爸爸真係好曳呀～XD 睇完魚魚之後，我地去左隔離既 熊貓館 離遠見到熊貓個陣小JM已經不停叫：嘩～Panda！Panda！Panda！ 見到佢咁興奮既模樣令到大家都一樣好期待見到大熊貓。 但好可惜大熊熊館內既熊貓入晒房。 所以我地選擇去左食野先， 去左熊貓餐廳食完晏先再一次去搵熊貓。 今次我地就去左另一個熊貓館： 大熊貓之旅 終於無令小JM失望，可以見到熊貓既蹤影啦！ 小JM表現得好開心，仲不停同熊貓Say Hallo添！ 睇完野一輪就緊係要帶小B們去放下電啦！ 我地下一站去左 －小紅熊堡壘 同 巨人森林 呢度可以話係小朋友們既樂團， 佢地一入到來就即時生猛晒，急不及待要爬高爬低玩一番。 呢度有小JM最鍾意既滑梯，小JM又可能唔玩呢！ 除左遊樂設施之外， 呢邊仲有幾個小型既機動遊戲俾家長同小B們一齊玩添架！ 礙於高度問題，小JM都未玩得。 但我地就同小JM一齊坐「幸福摩天輪」－體驗一下昇空既感覺。 今次仲係小JM第一次坐摩天輪添喔。 玩完一輪我地就去坐纜車，準備向樂團既另一邊出發！ 小JM雖然係第一次坐纜車，但面上全無懼色， 係纜車之上仲叫爸爸開歌俾佢聽同跳舞添！ （BangBangBang～～～） 表情多多既小JM。 第一次搭纜車仍然無有怕！ （對喔！跳舞被偷拍喔！） 落左纜車行左一小段路就見到萬聖節版威威海豚， 小JM無驚之餘仲同威威一齊比「舞」， 兩個一齊跳起舞來添， 攪到我地四位大人都笑唔停。 小提示： 係大熊貓之旅館既對面而家設立左一個糖果區， 會有工作人員派糖俾小朋友， 但當然都會叫小朋友跟著做某啲指令先可以啦！ 小JM雖然未食得啲糖， 但爸爸媽媽可以， 所以爸爸媽媽就唔客氣囉！ 園既另一端有一個好凍好凍既館，就係 南極奇觀！ 館入面最吸晴既莫過於係企鵝！ 小JM似乎都覺得佢地好得意咁喎， 企鵝們好活躍，不停表演跳水，真係好吸引喔。 小提示： 南極奇觀館內比較凍， 可以為小B們披上外套，以免著涼喔！ 去完呢幾個館小朋友們都開始攰， 我地就去買左啲小食， 亦準備要回程返屋企囉！ 因為怕入夜會開始有鬼怪出沒， 怕小朋友們會驚， 所以我地係大概5點零鐘左右就走囉！ 返到屋企食完飯之後我地仲帶小JM去左屋苑所舉辦既中秋晚會玩， 今次都係小JM第一次去中秋晚會， 樓下既看更叔叔仲讚小JM乖而送左個小燈籠俾小JM添。 玩完一整日，返到屋企沖完涼小JM好快就已經訓著。 臨訓前我都有問小JM今日玩得開唔開心， 仲問小JM要唔要再去，同最鍾意係咩。 原來小JM今日最開心係見到熊貓呀！ 真係太好啦，小JM原來真係會記住既。 後記： 每一次活動過後都反映出小朋友已經日漸成長， 已經不再係從前既小Baby， 已漸漸變成懂事既小人兒！ 小JM呢個小人兒雖然都會有令媽媽激心既時候， 但好慶幸小JM已經知道過後要安慰返媽媽。 呢點媽媽都好意外，亦見證住小B們既成長點滴！ 小JM，你要加油喔！＾＾ 爸爸媽媽會陪你一齊努力學習新事物架！ ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger ★ 傑。斯與晴 ♪ ♫ 媽媽經 。 駐站精選Blogger ★ 傑。斯與晴 ♬ ♩ Ubaby Magazine。駐站Blogger ★ 傑。斯與晴 ♪ ♫ MyBB.com。 駐站Blogger ★ 傑。斯與晴 ♬ 歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯 與 晴 （Jolie Babe。小JM の 成長印記）
