小朋友踏入2歲, 基本上可以跟大人同枱食飯, 食物既種類, 質感, 配搭當然彈性得多, 不過始終都要顧及營養, 味道, 新鮮感三方面, 才能取悅家中小吃貨又食得健康. 咁多種肉類中, 我最常煮魚比QB食, 無時間整時多以蒸或煎為主, 囡囡都好受落, 今次整個清新D既西餐, 用檸檬入饡, 配上焗刁草三文魚柳+ 忌廉雜菜車輪粉, 微酸的好開胃又特別, 大人細路一齊食都得, 仲好有益添.  ​ <檸汁忌廉雜菜車輪粉> 材料:  車輪粉                          1小碗 珍珠筍(切粒)               2條 露筍 (切段)                  2條 洋蔥                             少許 雞肉                             少許 扎肉/火腿 (切絲)       少許 雜豆                            少許煮 雞湯                            半杯 檸檬汁                        1湯匙 檸檬皮茸                    少許 忌廉                            3湯匙 ​ 做法: 1. 煲滾水, 加少許鹽,放入車輪粉煮3-4分鐘, 瀝乾水備用 ​ 2. 爆香洋蔥, 扎肉, 雞肉粒 ​ 3. 加入蘆筍, 珍珠筍和雜豆同炒 ​ 4. 倒入車輪粉炒勻, 加入半杯雞湯同煮 ​ 5. 最後加入忌廉, 炒至收汁至8成, 加入檸檬汁和少許糖 ​ 6. 最後加入檸檬皮茸兜幾下, 即可熄火上碟.  ​ <刁草檸檬焗三文魚> 材料:  三文魚柳                  1塊 檸檬                          2片 露筍                          3-4條 刁草                          1棵 洋蔥碎                      少許 ​ 做法:  1. 三文魚先以少許鹽, 胡椒, 糖調味 ​ 2. 取一塊牛油紙鋪在焗盤底, 依次放上蘆筍, 三文魚(皮向下), 洋蔥碎, 刁草, 檸檬片 ​ 3. 包好牛油紙防止魚汁漏出 ​ 4. 然後放焗爐以170度焗15分鐘 ,即成. ​ 這是十分清新的組合, 忌廉汁帶有檸檬香, 相當Fresh和減膩, 車輪粉不常見, 形狀可愛, 能增加小朋友食慾. ​ 刁草三文魚是常見吃法, 焗的時侯包實防止走氣, 更能瑣住魚汁和原味, 不用太多調味都好好味. 小朋友食多點三文魚有Omega 3, 對大腦發展很有幫助. ​ QB一見到我在影相, 竟然開心地拿了廚房的蒜頭入煮飯仔玩具中扮焗, 十分可愛. 還跟我一起擺位影相, 相當興奮, 有一個期待的心情, 胃口自然都好D啦.  ​ 小貼士:  - 三文魚焗長時間一點, 因小朋友吃要確保全熟, 如大人吃則焗12分鐘左右已夠 - 車輪粉不用煮至過熟, 因要再炒, 以免太稔影響口感.    聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Beauty Exchange❤ ❤博勢力❤ ❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby❤