天氣熱到一個點, 胃口真係麻麻, 小朋友食慾不振, 唯有靠煲下湯水比佢滋補下. 這種天氣飲瓜菜湯最好不過, 早排見到有葫蘆瓜只係幾蚊一個, 再買份魚仔加埋一齊, 煲出來既湯超清甜又有益, QB好鐘意飲. 葫蘆瓜有利水, 消腫, 通淋巴作用, 加入扁豆, 花豆, 可去濕和補充維他命B. 另外加入蓮子, 百合, 淮山, 可滋陰安神, 生津清熱, 夏天出汗多, 口淡淡又成日口乾, 飲這個湯都有幫助. 魚可按個人喜好買, 剛巧見街市有一份十多條小魚只$20多元, 買一份煎香同煲, 味道十分鮮甜的. 材料: 葫蘆瓜 一個 合掌瓜 一個 魚 一條/一份 蓮子 一兩 百合 一兩 淮山 4-5片 扁豆, 花豆 約1/3碗 玉竹 十克 蜜棗 兩顆 果皮 一片 薑(煎魚用) 數片 全部材料洗淨, 魚先以薑煎香, 然後趁熱贊熱水, 令湯變奶白色煲一會, 即可移入大煲加滿水慢火煲2-3小時,加鹽飲用. 功效: 養陰清熱, 利尿去水腫, 生津寧神, 補充營養. 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Beauty Exchange❤ ❤博勢力❤ ❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby❤