今年的書展將於7月19日至25日於灣仔會展中心舉行，去得書展，又點少得掃平書？不過各位媽咪又知唔知點去黠買先係最抵？作為精明的媽媽要慳得最多，就記住bookmark以下資訊，同親朋戚友分享喇！     先了解：2017書展資料   展覽日期：2017年7月19至25日 (星期三至星期二) 展出地點：香港灣仔博覽道一號  香港會議展覽中心 開放時間： 2017年7月19-20日 (星期三至四) 上午10時至晚上10時 2017年7月21-22日(星期五至六) 一樓展館: 上午10時至午夜12時 三樓展館: 上午10時至晚上11時 2017年7月23-24日 (星期日至一) 上午10時至晚上10時 2017年7月25日 (星期二) 上午9時至下午5時   點先慳到「入場費」？   2017年書展票價同往年一樣：成人$25，小童$10。市民可以提前於全線快達票、便利店買飛，亦可透過TNG電子錢包App購買電子門票。不過小編就建議以下方法，慳番入場費：   1) 去早場： 中午12點前買票入場，成人小童一律$10（只限書展現場購買）。   2) 去兩次： 持7月19日（星期三）/ 20日（星期四）正價門票嘅完整票尾，就可以於7月21、22或23日（星期五至日），晚上7點後免費入場一次。   3)​ 去埋運動消閒博覽： 首屆香港運動消閒博覽將於7月21至25日於會展大會堂舉行，持當日書展門票的參觀人士，可以免費入場。   4) 持旅遊證件訪客： 如果你唔係香港媽咪，但又咁岩睇緊我地，就得帶住旅遊證件，就只需付出$10入場費。     點買書先最抵？   1) 出發前自行下載及列印參展商電子優惠卷： 每年書展官網都會提供參展商優惠卷，市民可以自行下載及使用，當中大部分係紀念品換領卷及現金卷，面額由$5至$50不等。按此下載。   2) 考慮最後一日掃平書： 臨完場有大減價是常識吧，場內嘅書價一般比其他日子便宜約10現%至30%。根據網民分享，去年有書商於書展完結當天，甚至推出低至「$100一袋書」的大優惠，大家要多多留意。   ​3) 訂閱雜誌的推廣禮品較多： 女士們留意，喺書展攤位訂閱時尚美容雜誌，書商送嘅禮品通常都比平日豐富。大家不妨去下唔同雜誌商攤位望下有咩優惠，例如：《Marie Claire》、《Cosmopolitan》、《Jessica》、《ViVi》、《ELLE》、《mina》等等。   4) ​鎖定海外參展商： 書展臨閉幕前可留意來自內地、台灣等地方嘅非本地參展商，佢地嘅割價幅度通常較本地書商大。因為單是書嘅越洋運費已經不菲，他們寧願在離開前把所有貨賣清。   如果想了解更多書展情況，可到官方網站：http://hkbookfair.hktdc.com/tc/index.html