係早期時候叉燒媽試過作小產 作小產徵狀有: 1) 流血/ 流啡 2) 肚痛 個排公司趕一單PROJECT, 連續OT幾晚 成11點幾先番屋企 星期5老闆仲同我講星期六, 日要番黎做野 星期六朝早起身 去小便~ 竟然見到一PAT鮮紅色既血 猶疑左一陣,去唔去醫院好 (因為我之前都試過有小小見紅,但偷懶無去醫院) 最後見咁大篤血,都係拿拿聲去最近既醫院 叉燒媽當日番左娘家訓,咁就去左威院 登記完,量完血壓,需時10分鐘左右 有個分流姑娘就問我點解要入黎A&E呀,一問完我有見紅,佢就立即扣左住院既扣扣比我 之後再派以下呢張卡仔比我 ( 叉燒媽一生人都未試過住院,係老公係我隔離細細聲話我知 "你可能要住院喎!" 我先知咩事) 跟住又唔洗幾分鐘就安排左係A&E房見醫生,醫生急急腳咁跑入房即刻開超聲波機, 老公同醫生就一齊睇住個MON,2個男人都好靜好專心咁睇.................... "拿,呢個係BB心跳,佢一切正常" 醫生同老公講 我即刻鬆一口氣~ 之後再用鴨嘴鉗檢查一次 好痛呀!!!!!!!!!!!!!!!!!!!!!!!!!!!!!!!!!! 結果醫生都話要上專科度檢查一次 不過我一直都KEEP住肚痛唔舒服 醫生都無我計 留左幾日就出院 咁就係一生人第一次住醫院的經歷喇 叉燒媽係度呼籲各位媽媽,見紅見啡真係要去醫院CHECK下呀~ 叉燒媽媽 - 90後準媽媽 邀稿Email: chasiumama@gmail.com Facebook專頁: https://www.facebook.com/chasiumama