我買既咁多部神器中, 唯一得到老公激讚既係Bruno, 全因有了這部機, 令收左山既廚娘重新出山了好幾次, 我煮點都會有新意過姐姐既餸既, 所以so far 每次見到個爐係枱面, 佢放工返來都會滿有期待到底當晚食D乜...未買深鍋前, 可以做的只有煎同炒, 用慣鑊仔煮大茶飯今次來個日式鰻魚海鮮炒烏冬, 都完全無飛晒出街, 係面前兜下炒下15分鐘食得, 簡單又美味. 材料: 烏冬 2餅 (我愛用急凍的烏冬, 比較彈牙) 鰻魚 一條 雜菌 半碗 蟹柳 3-4條 魷魚 1條 (切圈) 西芹, 甘荀 少許 洋蔥 少許 蔥花, 木魚碎 少許(裝飾用) 調味: 日式照燒汁 黑椒粉 鰻魚買現成的, 最好選多汁一點的, 炒起來不易變乾 1. 先以中火預熱平板, 下油, 放入洋蔥和甘筍炒香 2. 加入雜菌, 鮮魷和西芹一同炒熟後盛起備用 3. 烏冬先解凍, 放熱板加少少水鬆開 4 然後蓋上蓋焗2分鐘 5. 加入蟹柳和鰻魚伴炒 6. 加入照燒汁和黑椒調味, 兜勻 7. 最後拌入已預先炒熟的魷魚和蔬菜, 略兜數下即能趁熱食. 吃的時侯加上少許木魚碎和蔥花作裝飾, 賣相更吸引. 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Beauty Exchange❤ ❤博勢力❤ ❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby❤