這個五月,大家很忙! 有的忙著要[OT]地睇五月天, 有的要忙著要處理不少飯局(如母親節) 還有要準備自己的大日子或者出席朋友的大日子 自從小朋友出左世之後,我地已經好耐冇試過 可以安安靜靜舒服地享受左一餐美好既西餐 也許當父母的,沒有長老的沒有姐姐幫忙 就會明白點解食野要倒落去咁食 係剛剛的[520],男人突然話帶我食好西 話補番之前既母親節同呢個[吾愛你]既日子 心諗: 不如你出年先同我補祝啦 不過見佢咁有心又睇佢帶我去邊度食飯啦 點知佢神神秘秘帶我搭巴士落左行番去長沙灣廣場方向 一去到就....咦!!呢間咪次次搭巴士番屋企經過既餐廳 就係它AMUSE 一到餐廳,一位應該係男經理的同事就詢問我是否Angel? 原來男人用左我個名Book 枱仲要求左係有BB 登 所以經理知道一定係我地,真係好貼心既服務 而且又有bb 登絕對加曬分,值得再來啦 加上餐廳既環境超靚,完全係食法國餐既感覺 亦因為我成日覺得呢度係好貴,我一路都唔捨得黎食 但係今次老公竟然一早黎探左路,睇左D 價位唔算好貴 真係同出面街鋪既餐廳差唔多價先敢帶我黎試下 坐底無耐,店員就把餐廳交給我們看看 同時亦有推介它家的美味食品給我們了解 但係我真的有一點口渴,所以就先點上了飲品 左的-Strawberry Mint-Soda $35 右的- Mango Frappe $35 我的士多啤梨的飲品,當入有檸檸汁薄荷葉及新鮮既士多啤梨肉 超易入口的飲品,不會過份酸加上一點點的薄荷葉 更加可以令整杯飲品很清新同時亦係一個蠻開胃既飲品呢 其實吃法國餐就是一種慢一種享受 可以令你同朋友/情人/客戶慢慢傾慢慢食 點好餐後,店員先送上一盤餐包 但係呢個餐包絕對唔同平時大家吃的一樣 它是帶點硬的法包,重點是每款也不一樣的 我們給PQ 吃的也差不多每個也吃過耶 不過由於我地只係比中間芯既位置阿仔食, 佢唔太夠喉,最後我地貪心問可唔可以比多個包阿B食 佢地話絕對冇問題仲要加熱的很軟熟的 PQ 就吃得非常之開心,因為真係好好味 (其實麵包是可以無限添加的,不過留番肚子吃另外的東西吧) 有餐包當然是需要有餐湯的,今次我們點選了這一款 粟米忌廉配煎北海道帶子 $78 或者大家會話咪一碗粟米忌廉湯有咩咁特別先 首先它是將原粒粟米打成蓉然後再隔渣 再加上鮮忌廉連同原粒帶子一同煮起 點解我會咁清楚?因為我曾經都煮左呢個類近既粟米汁比阿仔食 同我自己做過的味道差不多,多的是一種香味 飲完湯就當然要吃一點前菜,這是我們點的 香煎鵝肝 $138 或者大家會覺得鵝肝一定又肥又濟 但係今次呢一款既鵝肝煎得夠香口之如 亦沒有平常吃得到的油膩感覺 連同當中既配菜一同享用,絕對係值得回味的前菜 吃過前菜又點少得主菜吧 男人說要慶祝就要吃得豪一點 他知道我為左小PQ 由陀緊開始已經不敢吃龍蝦這個 令人又愛又恨的海鮮,生左PQ 又話驚食左龍蝦 一路都忍口唔敢再吃,直至差不多小朋友一歲大 我才敢享受這個令我愛恨交纏既龍蝦 今次呢一款既龍蝦係 原隻波士頓龍蝦(龍蝦汁炒) ($395) 其實佢除左龍蝦汁炒之外,仲可以揀清蒸同埋牛油煮 不過要吃到龍蝦原汁原味就當然試下 利用龍蝦汁炒的原隻波士頓龍蝦 蝦汁以原隻龍蝦去煮, 當中再加入干邑、黑椒、洋蔥、蕃茄一起炒 絕對是可以令龍蝦既鮮味更加帶出來 加上本身呢隻龍蝦足足係有1.5磅,每人半隻 另外仲有幫你已拆殼既龍蝦鉗,吃下的時候啖啖肉 那鮮甜的龍蝦肉,既彈牙又爽口,配上濃濃的龍蝦汁 完全是絕配的配搭! 唔好以為龍蝦係主角就完了,它旁邊的多士 絕對不能把它忘了,因為它是這道菜的第二主角 把多士浸在龍蝦汁或是把龍蝦汁慢慢放在多士上面 多士的甜味連同龍蝦的鮮甜咸味,互相輝映 連PQ仔都食左不少既多士呢,証明真係幾好食架 一款龍蝦都唔太夠喉,所以我地加點了一客煎魚柳 這是智利海鱸魚魚柳 它肉質夠曬嫩滑亦加上了一點點Salt 去煎成 平常我是不吃魚皮人仕,今次我就然把魚皮吃光光的 加上魚柳本身就是比較厚身一點的 所以吃下去的時候的就好像吃龍蝦一樣是啖啖肉的感覺 今次我們吃的不是很濟胃的東西,所以仍有位置吃上甜品的胃口 首先是點上的是烤焗蘋果卷 $75 賣相絕對是美美的甜品, 這個烤焗蘋果卷,表皮利用了甜甜的酥皮製皮 它家的酥皮在上碟時仍是脆口的需要利是匙巾把它們 一起連同微酸中帶甜的蘋果一同放進口裡 跟剛才的海鮮絕對是有比較的美味! 另一款甜品是經理親自介紹的 因為本身我地係有打算吃它家另一款甜品 但係需要時候即焗既關係,經理話它家的心太軟也不錯的 送上這個心太軟真的很美很吸晴 把心太軟????開一點點,內裡的朱古力慢慢流出 真的愈看愈美,可惜當時小伙子正需要媽我哄睡覺 吃的時候心太軟已經變暖了,但依然Keep 到好吃的水準 連男人也說心太軟好吃一點呢 這個520 的晚上,我非常滿意這一餐的晚飯 雖然吃的價錢是可能我地吃的兩至三餐飯的價 但係它也絕對是值得的,加上它們有一些套餐是 大約$200內的,有餐湯/沙津 ,主食及甜品/飲品 只是男人說給我豪一個晚上也完了我一路想吃這間的餐廳的願望 加上餐廳正在做折扣的優惠,好似我們的是兩位就有九折優惠 經理笑說下次小PQ 大一點來說可能是有85折的呢 聽下去是蠻抵吃的唷! 加上如是住在天屯元的地方人仕,行前少少就有巴士可以回家囉 絕對是方便的,唔知大家會唔會亦有興趣來試一下呢 這兒是 AMUSE 荔枝角長沙灣道909 號 (地鐵站:荔枝角站長沙灣廣場出口往左手邊直行到尾就是了) 希望你地都喜歡小妹既介紹啦 想隨時留意小妹及小PQ生活點滴同Blog 文分享 記得要Like 我既專頁啦 ↓↓↓↓↓↓↓ ◕‿◕如有任何問題歡迎聯絡小妹 電郵:manman811@gmail.com 以下地方可以找到小妹架^^ BlogSpot ❤ Instagram ❤ OpenRice ❤ FB 專頁 TheZtyle ❤ BeautyLife ❤ She Blog ❤ U Beauty ❤ Beauty Exchange