小JM媽媽我唔係生長係小康之家， 我只係一個普普通通既屋村小女孩， 但爸爸媽媽從小就教導我同細佬好多既大小道理， 為既就係要我地成為一個乖既小朋友， 父母無特別寄望我地要「成龍」， 只望我地可以學得懂「禮、義、廉」。 但現今社會怪獸父母不計其數， 到底佢地明唔明白教養係咩一回事？ 「教養」二字於我自己而言， 其實係指一種待人處事既態度， 我覺得父母需要以身教去教導小B們學懂呢一種既「規矩」。 使到小B們可以從小倍養一種正確既觀念， 從而學懂「禮、義、廉」既真諦。 今日係返工既途中，我聽到一對母子既對話， 聽完不替小朋友覺得難過。 不如就將故事分享出來俾大家感受一下。 小男孩： 媽媽，我想大個之後揸巴士呀。 媽媽： 揸巴士？唔好！搵好少錢。 小男孩： （依然天真地問）咁，如果我揸98C呢？ 媽媽： 都一樣！你第時點樣老婆？ 小男孩： （自信咁回答）養呀，我仲要養兩個BB添呀！ 媽媽： 你揸巴士點養得起！唔好啦總之。 聽到呢度已經覺得有一種莫名既傷感。 咁細個既小朋友（幼稚園生）同媽媽講自己既夢想， 但就俾媽媽將佢既夢想同金錢掛勾。 的確不禁令人概嘆。 要做好「教養」呢一環實在不容易， 爸爸媽媽們亦要以身作則， 成為小B們既榜樣先會夠說服力。 而我同小JM爸爸就會實行以下幾點， 從而希望可以教導小JM成為一個可愛乖巧既小B。 1.） 以身作則，成為小B既榜樣 俗語話： 言教不如身教 所以無論大小事情我同小JM爸爸都會希望做到以身作則， 成為小JM既一面借鏡。 話雖如此，但我地亦從不會強硬地去改變小B既思維， 始終小B們需要保留著一點稚氣先會顯得可愛。 2.） 多與小B們相處及溝通，從而互相了解及學習 現今社會大多家庭都係雙職父母，日頭工作，夜晚湊小B， 但漸漸你會發現原來呢一切都係值得既。 因為係彼此相處既過程當中小B亦會學懂與人相處既技巧， 有助小B日後學習待人處事。 再者，爸爸媽媽多花一啲時間係小B們身上， 小B們都會較為有安全感， 始終小B們想要依賴、想要撒嬌既對象都係以爸爸媽媽為先既。 而且係相處既時間當中，爸爸媽媽亦可以少少時間去同小B們溝通， 會有助增加親子既感情添架。 3.） 為小B們定下小規矩、小守則，從中學會紀律 可以在家中定下一啲小守則俾小B們去遵守， 例如： － 睇電視唔可以坐太近 － 不准亂掟玩具 － 不准隨便大叫 之類。。。 或者你會覺得無必要，但在家中定立小小既小守則其實對小B上學後的紀律亦會有幫助。 當然，爸爸媽媽亦需要花時間去教導小B，安撫小B先可以， 而不是令小B們盲目跟從你所定立的規矩。 4.） 培養小B們獨立個性，學會互相彼此尊 爸爸媽媽們可以從小慢慢培養小B既獨自個性， 讓小B獨立去處理個人既日常事，例如： 刷牙洗臉，摺被摺衫等。。。 都有助訓練小B們既獨立性。 另外，亦不妨於購物時讓小B一齊揀選心愛物品， 可以先由爸爸媽媽揀選，再俾小B揀都得。 最緊要係有份一齊參與。 另外，爸爸媽媽亦需要學懂尊重小B們既想法， 如果有溝通上既問題，不妨同小B花多一啲時間去溝通以便了解，從而學會彼此互相尊重。 5.） 教導小B們禮貌、禮讓，以禮去待人處事 以身教方式教導小B們待人接物要有禮貌， 讓小B們明白到禮貌、禮讓既重要性。 教養既路實在好漫長， 小B們既每一步都在不斷成長中， 所學所想亦會隨之而改變， 想要教育好一位小朋友真係要花不少心機和時間。 係小B們學習既時候， 其實爸爸同媽媽我一樣都係度學習緊點樣做一位盡責任既爸爸媽媽。 我不寄望小JM長大會變偉人或變得十分出色， 只期望小JM會有個真正快樂開心既童年。 小JM， 爸爸媽媽會同你一齊好好學習喔！ 我地一齊加油吧！ 愛你喔！ ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger ★ 傑。斯與晴 ♪ ♫ 媽媽經 。 駐站精選Blogger ★ 傑。斯與晴 ♬ ♩ Ubaby Magazine。駐站Blogger ★ 傑。斯與晴 ♪ 歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯 與 晴 （Jolie Babe。小JM の 成長印記）
