假期同孖寶去咗參觀錦上路西鐵站A出口附近的有機薈低碳農莊，錦上路西鐵站附近都仲有其他士多啤梨園同其他農場可供參觀的。大家有興趣都可以去睇下呀!     呢個農莊早2日開始轉咗主題為菠蘿，園內有即開即食嘅菠蘿，亦有菠蘿套餐可以比大家買來即場食用。         更加有菠蘿知識館比大小朋友一齊了解更多有關菠蘿嘅知識，入場費只係HK$30，亦可以購買套票參加其他工作坊，今次我地就係參加咗HK$118嘅package，可以玩2項活動。     其中比較有意義嘅就係農耕體驗班，有專人教我地農耕嘅基本知識，可以親身體驗耕作同播種，孖寶學習完返到屋企都有提起”seed”…..哈哈! 能夠親身體驗果然係唔同嘅!        大家都好留心聽專人講解呢!     我地今次種咗油麥菜，唔知會唔會有收成呢?     農莊內菠蘿主題有以下園區: 景區1：有機菠蘿園 原來菠蘿是在田野間種植，需時1年半才完全熟透，為控制數量因此不設自摘，但大家仍有機會近距離觀賞菠蘿田。         景區2：菠蘿知識館 展示了菠蘿在不同階段的形態，亦有展板介紹與菠蘿有關的資訊，也可以在這兒學整菠蘿精品。       景區3：蒙古菠蘿包 巨型帳幕裏面收藏了菠蘿造型的裝飾，不怕熱不妨換上菠蘿服飾影相呃Like。 景區4：菠蘿許願樹 規模媲美林村許願樹，但投摘上樹的卻換成菠蘿飾物；旁邊有一棵大樹菠蘿樹，也有巨型菠蘿稻草人供拍照留念。   景區5：祈福板 和風十足的祈福板，大家可以將願望寫在菠蘿「繪馬」上，順道探望兔仔與農莊的4隻羊咩咩。 景區6：農莊士多 供應新鮮菠蘿、菠蘿雪糕、菠蘿炒飯等主題美食，也有精品發售。   大家都可以近距離觀賞菠蘿田，雖然我地參觀當日菠蘿嘅數量唔多，但起碼都可以比小朋友親身認識一下菠蘿呀!     園內有巨型菠蘿、菠蘿車好多影相位比大家影個夠呀。   園內亦有介紹好多有關菠蘿的知識比大家知道!         大家只要去集齊印台就可以去士多換一支小旗留念啦~   仲有小量小朋友的遊戲設備比小朋朋友玩。   亦有露營區比大家户外露營一般。     唔知各位爸媽有無興趣帶小朋友去睇下呢?  都係不錯的親子活動，當然唔好期望太高啦。當佢係一個簡簡單單的園區，小朋友可以入去餵羊食草和同親親兔仔，重點係親親大自然同認識農耕都係一個不錯的選擇。         P.S. 提提大家，一定 一定要做挾防蚊措施呀，好彩當日孖媽自己DIY 動手做咗防蚊cream比孖寶搽，佢地兩個就無中招。     但我自己無幫自己搽到呢，就中哂!!! 有機薈低碳農莊 Address: 新界元朗錦田四排石(鄰近西鐵站錦上路站A出口) Tel: 5579 2178 Source: 東方日報 & 有機薈低碳農莊 我和孖寶的Facebook Page: 荔枝與孖寶  我和孖寶的 Instagram IG#: laichimama Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com