媽媽實在係太想食糖水啦, 所以今日結果都係忍唔住要去買材料來煲糖水。 可惜,爸爸係唔鍾意食甜品同糖水, 所以我就決定煮來同小JM同埋工人姐姐食! 既然天氣咁熱, 咁就不如整古或既懷舊糖水 -花生麥米粥! 花生麥米粥 功效: 花生:具有益肺健脾及美容養顏之效 麥米:益氣健胃,可預防衰老,而且仲可以令頭髮變得光亮、肌膚潤滑 材料: 花生 麥米 糯米 片糖(適量,小B食就放少啲; 大人就文返多少少) 水 做法: 1.)預早數小時將花生、麥米、糯米用水浸透 2.)煮前將花生、麥米、糯米再過水洗淨 3.)預備一煲水,煮滾備用 4.)將花生、麥米、糯米放入煲中,以中火煲一個半小時即可 5.)煲到咁上下時間就可以檢查下花生、麥米、糯米係咪都夠淋同已經煮開 6.)加入適量既片糖即可 因為會俾小JM食既關係,所以我並無落太多既糖,只係微甜就夠。 如果大人食既話,先至再落返多少少片糖都得架! 麥米係一樣岩一家大小,同時又岩孕媽咪食用既食材來架! 就連坐月中既媽媽都一樣岩食,只要變換一下材料就可以啦! 蓮子百合紅棗麥米湯 功效: 有助補血養顏 防治失眠心悸 可以改善疲勞 增强免疫力 促進血液循環 令皮膚變得細嫩紅潤 材料: 鮮蓮子 鮮百合 紅棗 麥米 冰糖 做法: 1.)先將鮮蓮子、百合洗淨 紅棗切開並去核 麥米預先用清水浸數小時 2.)預備一煲水,煮滾備用 3.)將紅棗、麥米、蓮子放入煲內,煮個半小時再加入百合 4.)最後再放入冰糖即可 爸爸們又要「學起來」,氹一下媽媽啦! ♫ ESDlife靚太Club 。 星級榮譽會員 ★sleepyceci ♬ ♩BK Milk。親子語。駐站Blogger ★傑。斯與晴 ♪ ♫ Mami Buy香港媽咪幫。駐站Blogger ★傑。斯與晴 ♬ ♩Ohpama。Oh爸媽。駐站Blogger ★傑。斯與晴 ♪ ♩Ubaby Magazine。駐站Blogger ★傑。斯與晴 ♪ 歡迎追蹤 小JM 既Fanspage 「傑。斯與晴」: 如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯 與 晴 (Jolie Babe。小JM の 成長印記)