小JM上星期已經去左健康打一歲針啦, 足足打左三枝,係三枝呀。 小JM都係第一次要一次過打三枝針咁多架咋, 所以真係喊到豬頭咁, 好彩爸爸係度呵返,即時出左房門口就無再喊。 (但有繼續嗚咽 引爸爸呵返) 小JM打完針就緊係擔心架啦, 當媽既除左貼身照顧之外, 就緊係為小JM預備鍾意既食物同飲品啦, 而今次,我就為小JM同爸爸預備左兩款唔同既清潤飲品, 真係岩晒一家大細飲! 就算小JM打完針都無有怕! 蘋果梨茶 材料: 蘋果 三個 南北杏 適量 雪梨 兩個 蜜棗 一粒 做法: 1.) 先將蘋果、梨洗淨,切開及去除果芯。 2.) 將蜜棗及南北杏洗淨備用。 3.) 將水煲滾,再放入所有材料。 4.) 先用猛火煲約半小時, 轉慢火煲最少一個半小時即可。 功效: 蘋果: 補心益氣,止渴生津,健脾止瀉 梨: 能清潤止咳 (水晶梨、貢梨及鴨咀皆可,特別以鴨咀梨功效最好) 南北杏: 止咳下氣,潤燥消積 蜜棗: 潤肺止咳 *媽媽們可以隨意加入其他配料以煲成糖水或湯* 建議配搭材料: 蘋果梨雪耳湯 雪耳 半朵 陳皮 1/4個 豬展 一舊 蘋果海底椰湯 海底椰 3 - 4個 蘋果梨無花果湯 無花果 5 - 6粒 豬展 一舊 除以上幾款之外仲有其他可以配搭既材料架! 三棗茶 材料: 南棗 三粒 紅棗 六粒 蜜棗 一粒 (可因應個人喜好而加減三棗份量) 做法: 1.)預先洗淨三棗 2.)剪開紅棗及南棗,除去棗核 3.) 將水煲滾,再放入所有材料。 4.) 用猛火煲約半小時再稍焗一會即可。 小提示: 南棗本身較為硬身, 可以於煲滾後用匙羹壓一壓以便更出味 功效: 三棗有補血、養肝、氣管抗敏之功效, 適合大人及小孩飲用 特吃適合女性經期後飲用,以及經常挨夜人仕飲用。 而且棗類都有抗過敏作用,適合不同體質既小朋友飲用,而且補得來不會太燥 小JM一路睇電視一路飲 超鍾意 (Cover photo credit to BK Milk) ♫ ESDlife靚太Club 。 星級榮譽會員 ★sleepyceci ♬ ♩BK Milk。親子語。駐站Blogger ★傑。斯與晴 ♪ ♫ Mami Buy香港媽咪幫。駐站Blogger ★傑。斯與晴 ♬ ♩Ohpama。Oh爸媽。駐站Blogger ★傑。斯與晴 ♪ 歡迎追蹤 小JM 既Fanspage 「傑。斯與晴」: 如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯 與 晴 (Jolie Babe。小JM の 成長印記)