來囉來囉! 【小JM料理台】來囉。 小JM料理台將會分享小JM閒時既茶點食譜, 希望小B們食得開心又健康啦! 咁岩尋日又係假期,於是媽媽又手痕痕諗住整野俾小JM食, 結果最後係整左「蘋果鬆餅」俾小JM食。 但因為小JM未夠一歲既關係, 我今次係無用蛋白,只係用左蛋黃去整鬆餅, 但一樣都係咁好味。 材料: 日本森永鬆餅粉 150g 蛋黃 兩隻 蘋果 一至兩個 奶 120ml 日本森永鬆餅粉一盒有兩包, 如果小B食得唔多可以用一包就夠, 唔駛整晒兩包。 製作方法: 1.)先打蛋並取出蛋黃,打勻備用 (因只用蛋黃,所以用兩隻; 如果小B可以進食蛋白的話,一隻全蛋即可) 2.)將奶倒入蛋黃槳內,打勻 *奶類部分可根據小B本身而改用 人奶/奶粉/牛奶等也可以 *因家中有奶粉試用裝,所以今次就用奶粉開奶以製作鬆餅 3.)將鬆餅粉加入至已攪勻既奶和蛋槳內, 再將粉槳打勻 4.)將蘋果洗淨,去皮再切粒 再將蘋果放入攪伴機內攪拌變成蘋果蓉即可, 取出後,將蘋果蓉加入粉槳內再攪勻 5.)當粉槳與蘋果蓉打勻後即可準備製作鬆餅 先將平底鑊稍為預熱備用, 再以湯匙將粉槳盛起並置於平底鑊中。 *因為俾小B食既關係,所以每次只係落一湯匙粉槳,如果大人食就可以再多一湯匙,整大塊啲) 6.)完成後便可以上碟 如果想更吸引同美味啲既,可以加入果蓉 製作簡易,係小朋友Tea Time既良品! ♫ ESDlife靚太Club 。 星級榮譽會員 ★sleepyceci ♬ ♩BK Milk。親子語。駐站Blogger ★傑。斯與晴 ♪ ♫ Mami Buy香港媽咪幫。駐站Blogger ★傑。斯與晴 ♬ ♩Ohpama。Oh爸媽。駐站Blogger ★傑。斯與晴 ♪ 歡迎追蹤 小JM 既Fanspage 「傑。斯與晴」: 如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯 與 晴 (Jolie Babe。小JM の 成長印記)