我哋離開咗展城館就起行到中環碼頭準備搭船過去尖沙咀   去Harbour City影吓相同去中間道遊樂場玩!       上一站>>CLICK HERE! 【親子好去處】中環 展城館 City Gallery   眼睇好似好近嘅碼頭, 原來行過去一D都唔近,   差唔多都用咗15分鐘先行到過去   呢個鐘數好少人...我哋好輕鬆就上咗船啦!   小朋友可以上船都好興奮, 實在係一個簡單又低消費嘅活動     整蠱做怪嘅哥哥, 一路影都唔正經, 相反呀芊就乖乖望住鏡頭   叫咗幾次先肯正經俾我影張靚相, 男仔真係好麻煩!         一落船我哋就見到海港城做緊迪士尼十周年嘅活動   我哋就順便行埋去影咗幾張相         我哋行番出嚟突然見到一個人堆, 原來有個小丑喺度表演緊!   小朋友睇到好興奮又唔肯走   呢個小丑幫我哋行程加插咗一段節目!         呢個小丑都幾攪笑, 唔單止玩得叻, 仲好識得攪笑   佢冇講嘢, 只係純用動作就可以令大人細路好開心   希望下一次有機會又可以撞到佢!     經過1881 同埋半島酒店   大約行咗15分鐘就嚟到中間道兒童遊樂場     沿住呢條長長嘅樓梯行上去就會見到   (其實後面有架Lift搭)           一上到去小朋友就已經唔理你自己跑去玩     成個遊樂場分開兩邊, 一邊係俾較小嘅小朋友玩   如果你小朋友為3-4以下比較適合喺呢邊玩!           但係芊芊跟住見到另一邊遊樂場, 又跑去話要搵哥哥!   呢一邊嘅設施就比較危險, 適合較大嘅小朋友(5-6歲以上)   不過如果有大人睇住都唔會太危險嘅         呢度環境都好開揚, 望到成片大天空!   特別之處係一個遊樂場居然位於黃金地段, 仲望到好多高樓大廈!       呀芊玩得好開心! 今日佢全展都未瞓過晏覺, 真厲害!!         因為中途睇小丑延誤咗少少時間, 所以玩咗十幾分鐘就開始天黑lu :)   最後大約7點我哋就散band各自番歸了!             Photo by CANON 5D Mark III, Len | EF 24-70mm f/2.8L USM   呀劍評分: 6分   呀劍評語: 跟一般兒童遊樂場差不多, 不過佢位於較高位置, 空氣點都好D, 風景又靚D, 最特別係佢有個小賣部可以喺度買D嘢飲小食都幾方便! 中間道兒童遊樂場 簡介 位於漆咸道南和梳士巴利道交界的港鐵尖東站平台上的中間道兒童遊樂場，於2005年啓用。遊樂場分為5-12歲，以及2-5歲的兩個區。2-5歲區設滑梯、騎椅及遊戲板，5-12歲區則有攀爬架、滑梯、吊橋、鞦韆。   地址 九龍尖沙咀中間道     交通 港鐵西鐵線 : 尖東站 K出口 網址 http://www.lcsd.gov.hk/tc/facilities/facilitieslist/facilities.php?ftid=55&did=17   電話 2302 1279 (以上資料更新至文章當日)     Facebook專頁: 呀劍萬帥 kimfamilytraveltips   Blog網誌 : kimfamilytravel.blogspot.hk