岩先用揹帶揹住小波波行經旺角步行街，行到近蘇寧電器店時，我感覺到有人拍打我Pat Pat ， 第一下 我都無向後睇，因為始終條街多人，小小碰撞在所難免。 再繼續行，繼續有人拍打我Pat Pat，於是我向後看，發現一個中年女人，頭髮銀白，身穿花裙，長襪加拖鞋，正在用腳踢向另一位同樣用揹帶揹住小朋友的Baba。我企定睇，佢仲踢多一下個位baba @@ 而當個位baba回頭同個位女士理論既時候，個位女士邊叫邊叫有人蝦呀婆 之後個位女士消失於人群之中，去到銀行中心，我又見到佢，佢仲向我起腳視意 雖然踢落Pat Pat 唔太痛（可能我多肉）但因為用揹帶揹住個仔，如果佢大力小小，我就會連埋個仔向前仆。 所以大家去旺角行經多人既地方要小心，有人同行既，最好不時留意下身後有無人起腳踢！！