從前去黃埔往往只可以搭巴士或小巴才到, 所以一年都可能只去到一兩次. 而家地鐵終於都可以直到黃埔, 方便程度更勝從前, 前兩天突然想去黃埔號行街就立即行動. 黃埔花園附近有好多食店, 見到有間叫”Fullhouse kitchen 滿屋廚房”既餐廳. 印象中好似係荃灣愉景新城有間, 不過好似係foodcourt形式的, 見到食物既價錢唔貴, 最好就係有小童餐, 陶寶B就至like了.  餐廳裝修好光猛整潔, 背景音樂播住bossa nova坐得好舒服, 店內仲有一個小角落買精品.  餐廳係半自助形式的, 所以選好食物就自己去落單就可以了.  自助櫃整潔企理, 自己要咩攞咩, Self-serve有時都唔錯, 唔駛吓吓叫人拎. 收銀機旁邊有甜品櫃, 價錢唔貴賣相好靚, 睇吓一陣食完仲食唔食得落先. 我地一行3大1小, 叫了個 classic caesar salad $38, 馬來炸雞椰漿飯 $58, 新加坡海鮮喇沙湯粉 $52, 巴馬火腿雞肉白汁意粉 $62, 東南亞拼盤 $50 及一個兒童餐 $58.  好快侍應就陸陸續續送上餐了, 整體上菜時間都好快, 而食物都係熱辣辣的. classic caesar salad份量一啲都唔少, $38既價錢真係無預有咁多呢.  之後就係東南亞拼盤, 越南蔗蝦, 泰國辣魚餅及金絲蝦卷各樣3件, 3樣味道都好味道.  馬來炸雞椰漿飯份量真係一啲都唔少, 塊炸雞大大塊好香好脆.  新加坡海鮮喇沙湯粉既粉是米粉, 同正宗既有啲出入, 不過海鮮配料都好足料.  最後就係個巴馬火腿雞肉白汁意粉, 呢個係最有驚喜最好食, 估唔到啲意粉係好有咬口, 絕對唔係淋晒那種意粉, 個白汁好香cheese 味之餘, 啲雞肉雖然係雞胸肉但一啲都唔”鞋”存架.  最後就係個小童餐, 有小吃炸魚手指, 夏威夷pizza,焦糖燉蛋及水果, 真係啱晒小朋友, 真係好有衝動自己都叫個兒童餐俾食.  陶寶B一見架車車餐盤就嘩嘩聲啦. 餐廳門口有一個角落係賣家品及激光刻字精品, 有部份既家居用品都幾有創意, 仲有少少Log-on既日本貨味道. 而激光刻字精品仲可以即時customer made, 都幾得意既.  不過陶寶b對呢兩樣就通通都無興趣, 佢眼睛一早放係部扭蛋機度了.  整體餐廳乾淨, 食物好味, 仲要係價錢唔貴份量又大, 估唔到黃埔市區都有啲cp值高既餐廳呢.