天氣凍, 特別想食暖笠笠既煲仔菜, 家中的鑄鐵鍋都好耐無出塲, 今次快速炆個柱侯牛肋條, 比牛腩快稔, 價錢又相對實惠, 只要個幾兩個鐘就可以炆到好稔好入味, 用來送飯一流. 材料: 急凍牛肋條 1磅 白蘿蔔 1條 柱候醬 3湯匙 薑片 數片 八角 3顆 香葉, 桂皮 少許 做法: 牛肋條先解凍, 然後煲一煲水, 加入薑片, 放入汆水 - 燒熱鑄鐵鍋, 先爆香薑片, 八角, 香葉, 桂皮 - 加入牛肋條略煎香兩面, 贊少許紹酒 - 加入柱侯醬, 再加一杯水, 用慢火開始炆煮 - 加入幾塊冰糖一同炆, 可令牛肋條更快稔和增加甜味 - 加入蘿蔔, 加蓋慢火炆45分鐘, 熄火, 焗半小時; 再開火炆20分鐘, 熄火再焗, 重覆2-3次至牛肋條稔即可. (要不時搞拌以防黏底, 需要時再加水) 用鑄鐵鍋煮的好處是快稔, 亦不用加太多水, 肉汁和肉味原汁原味保留, 味道更香濃. 我只用了1.5小時, 就能把牛肋條炆得好稔, 完全不韌, 比起用牛腩更快捷, 味道同樣惹味, 好適合新手煮婦嚐試. >>> 看更多媽咪的居家食譜 <<< 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Beauty Exchange❤ ❤博勢力❤ ❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby❤