黃金海岸算係一個屯門幾出名既泳灘, 因為附近設有商場酒店, 所以比較熱閙, 真係多人到不得了! 同埋今日舅母問我哋有咩做, 想約我哋出嚟, 本身我哋又諗住去玩吓水, 主要係帶妹妹接觸吓海灘, 同埋試吓佢件新泳衣! 所以最後約埋一齊去 Shutter Speed | 1/100 s Aperture | f/6.4 ISO/Film | 2000 因為要帶埋呀芊既原故, 我哋都係一家4口坐的士去, 由元朗出發差唔多70幾蚊啦, 因為禮拜日都幾塞車, 落咗車之後我哋行過沙灘去搵舅母佢哋, 本來諗住除定鞋赤腳落沙行, 廢事對鞋入哂沙, 但係D沙熱到癲, 行每一步隻腳都要即刻行第2步, 最後都係要著番對拖鞋行, 舅母佢哋租咗把遮可以入去坐坐, 2個小朋友都係比較喜歡玩沙, 佢哋邊玩我就邊影 呀芊起初唔鍾意沙, 所以一路匿埋係媽咪度, 但係跟住俾個大大沙灘波俾佢玩, 佢就好開心! 我哋最後都係逗留咗3個鐘度, 因為太熱, 所以都捱唔住要走啦! 最後去士多買2支雪條俾佢哋兩老表食, 消消暑... Photo by CANON 5D Mark III, Len | EF 35mm f/1.4L USM 呀劍評分: 5分 呀劍評語: 其實香港大大細細既海灘有好多, 當然每個沙灘有佢好同唔好, 而佢既好壞又要視乎當時既環境, 不過我覺得黃金海岸呢個海灘, 太多人, D沙太粗, 海水好污糟, 我諗我未必會再嚟, 不過如果你諗住可以去埋附近商場行既話, 去海灘只係順便, 咁就冇咩所謂! 呀劍貼士: 一般海灘要的裝備! 黃金海岸簡介 黃金泳灘是香港的一處人工沙灘,是區內最大的海灘, 設有更衣室及淋浴設施,及有救生員值勤。泳灘設有快餐亭、浮台、兒童遊樂場、休憩公園及避雨亭,並且設有沙灘排球場。 地址 新界屯門區黃金海岸 交通 屯門西鐵站對面(德政圍站)免費轉乘接駁巴士K51 (以上資料更新至文章當日) Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk >>>看更多【親子好去處】文章<<<