早前咪介紹大家去Sofina個網站攞試用裝嘅~ 我哋暫時試咗隻cleanser唔錯喎！值得推介！ 試用完覺得好用，梗係去買番支啦！個包裝好靚~ 除咗支cleanser，仲附送咗一個起泡網添~ SOFINA出嘅起泡網，感覺用料好靚呀！用咗佢就可以更容易製造出泡泡啦！ 包裝後面有教使用方法，等我哋跟住試下先~ 首先擠大約2cm cleanser在手上 然後用水整濕個起泡網，再用起泡網在cleanser上不停打圈，會越來越多泡泡 手上嘅泡泡未夠多 等媽媽幫下手啦！加多少少水，再繼續搓，最後從起泡網擠出泡沫 起好咗啲泡泡，就可以放上面度洗喇！ 洗好晒成塊面之後，就可以沖水啦！沖完爽晒！ 輪到我試喇！ 大人嘅力度當然大啲啦！不停打圈之後，從起泡網擠出所有泡泡~ 好多泡泡呀！呢隻cleanser起嘅泡好結實，而且富有彈力感~ 洗嘅時候感覺啲泡泡好柔滑細緻，好舒服呀！洗完面就去沖水囉！hohoo~ 呢set就係SOFINA送嘅試用裝喇！由潔面、日間護理、底妝以至卸妝都有齊，好全面！下次試埋第二款覺得好用再介紹大家~ ^^ 以前試過一啲潔面用品，洗完之後比原先更乾燥同繃緊。雖然係洗得乾淨，但原本保護皮膚嘅油份都洗走埋，令肌膚變得乾燥。SOFINA潔面泡泡強調有保濕功能，因為加入咗美容液成份，唔怪之得洗完面冇一般cleanser果種「乾爭爭」嘅感覺啦！而且眼嘅位置都可以洗埋，因為有保濕成份，唔怕洗完太乾導致出現眼紋。感覺保持到水潤感，真係唔錯喎！用完之後覺得乾淨同清爽，最緊要唔乾嘛！ 第二晚晴晴又想再用泡泡洗面，小朋友梗係覺得白色泡泡放響面上好得意，用過番尋味。但係咁細個唔需要用到媽咪啲護膚品住，都係等妳大個啲先啦！不過唔該晒妳幫手做示範呀！ SOFINA 網址：http://web.sofina.com/hk