副食品
戒夜奶
拼圖
教養
產後瘦身
積木
親子共讀
親子餐廳
貼紙書
追奶

定食8 Teishoku 8

最近發現荃灣悅來坊一間食店門外經常大排長龍,原來食店新開張冇耐,而且仲好抵食,唔怪之得吸引咗咁多人嚟度呢度醫肚啦!無論中午一或係夜晚都會見到呢條人龍排咗45分鐘,終於輪到我哋喇!~.~'

最近發現荃灣悅來坊一間食店門外經常大排長龍,原來食店新開張冇耐,而且仲好抵食,唔怪之得吸引咗咁多人嚟度呢度醫肚啦! 無論中午一或係夜晚都會見到呢條人龍 排咗45分鐘,終於輪到我哋喇!~.~''' 入鄉隨俗,「用餐3步曲」教梗我哋落單、品茶同埋用餐步驟 (可按圖放大) 睇睇餐牌先~ 揭開只有8款定食,終於明白呢度點解叫做「定食8」喇! (可按圖放大) 後面仲有一版「單點」,每份定食可以配搭一款單點料理+飲品 (可按圖放大) 環顧四周,座無虛席,嚟幫襯嘅都幾多學生哥喎! 自助區設有白飯任裝 味噌湯任飲 仲有椰菜絲、紫菜...等配料 麥茶亦係無限量供應呀! 岩鹽牛排定食,跟埋漬物、味噌湯、日式蒸蛋同甜品 餐廳選用巴西/阿根廷鮮嫩牛肉,肉質軟熟。以岩鹽調味,加埋醬汁甜甜哋,唔錯喎! 生薑豚肉燒定食,同樣係跟埋周邊配菜 一向都好鍾意食生薑豚肉燒,因為鍾意豚肉配上薑汁果種甜甜酸酸嘅味道。呢度整嘅油而不膩,加上滿滿嘅蛋絲、露荀同蕃茄...等配菜。正呀! 醬燒魷魚 - 魷魚原隻上,肉質彈牙。配埋日式燒汁,好野味! 酥炸生蠔 - 色香味俱全,唔怪之得係店舖熱賣之選啦! 每一份定食飯嘅份量唔會好多,如果唔夠可以出去自助區添飯。呢個做法幾好喎!既可減少食物浪費又環保。餐跟埋嘅日式蒸蛋蒸得夠滑,綠茶甜品亦好好味!晴朗爸爸無奈地睇住我食埋佢果件綠茶甜品,真係多謝晒!食完定食+單點會勁飽,幾抵食呀!不過等候時間就耐咗啲,如果唔係晴朗爸爸早啲嚟排住隊先,恐怕我哋完咗個lunch time都未食晒啲嘢喇!下次再嚟想試埋魚生飯、天婦羅、鮑魚同刺身呀!  定食8 Teishoku 8 網址:http://www.teishoku8.com.hk 荃灣店:地址:荃灣荃華街3號悅來坊地下G10號舖電話:24190450 新蒲崗店:地址:新蒲崗太子道東638號Mikiki LG5號舖 電話:2319 2001