食飽飯又未夠鐘睇魔術，到處逛逛。忽然想食番個飯後甜品，晴晴同我都舉腳讚成！ 經過「糖癡」，已經被門外嘅爆谷機同棉花糖車所吸引~ 入到店內，簡直就好似去咗糖果世界咁呀！ 一個個玻璃樽排得整整齊齊，每個都裝着滿滿的糖果 探視完一個圈，太多款式，選擇有點困難 最後，我哋揀咗呢款lego糖果，100g誠惠$40 除咗糖果仲有多款雪糕售賣 款款都好吸引呀！點揀好呢？ 晴晴好似對cupcake比較有興趣喎！ 嘩！呢度啲cupcake整得好靚，既然都係想食番啲甜嘢，就揀佢啦！ 晴晴揀咗oreo cupcake 而我就揀咗millions款，係咪整得好可愛呢？ 心急得佢個樣丫~ XD 餐廳外設有露天茶座，響度慢慢細味品嚐自己所揀嘅cupcake，真係幾咁悠閒、寫意呢！Millions個樣係香蕉朱古力嚟，配埋牛油cupcake，好好味！至於oreo果款就未能提供食評，因為好快就比晴晴拆晒，要留待大家自己試試喇！番到香港先發現在店內購買嘅lego糖果好好味，好快就一掃而空，下次嚟一定要再買多啲先得呀！   糖癡 Sweet & Sticky 地址：澳門路氹連貫公路新濠影匯1樓購物大道 電話：(853) 8865 8888 返回澳門新濠影滙之旅：http://blog.xuite.net/chinglongtin/blog/426733195