一間適合親子玩樂嘅酒店，點可以冇playhouse呀？華納滿Fun童樂園究竟有幾FUN？一齊嚟睇下啦！ 又去玩lu~ YEAH!!! 仲有10分鐘先開門，我哋做定登記先啦！ 搭正10:00，入得去喇！衝呀！第一樣玩嘅係「反斗彈彈樂」~ woo~ho~~~ 晴晴同我樂於做觀眾，晴朗爸爸同朗朗，are you READY??? 跳呀！彈呀！間中有幾下離心力都好強㗎！睇下佢哋玩到幾咁high？XD 跟住試下「DC反斗戰車」先~ ready~ GO!!! 在彎彎曲曲嘅道路上行駛，呢個摸擬駕駛對於玩過電動車仔嘅小朋友嚟講冇難度啦！好快就玩完一round lu~ 嘩！好黑呀！我哋進入咗「華納極速迴旋」區域，好似上咗太空咁呀！ 登上宇宙飛船，戴上3D眼鏡，準備一齊對抗壞蛋，拯救銀河系喇！ 描準目標，射呀！ 中場同最尾都會幫每一位計算分數，仲有埋樣添喎！好搞笑~ 幾時比人影咗㗎？唔知嘅？XD 想睇下我哋嘅4分鐘足本拯救片段？去片~ 跟住嚟到「登峰奇兵」，考考小朋友嘅攀爬技巧同膽量 朗朗失敗咗兩次後，終於按到個藍色掣喇！yeah!!! 捉住條繩降落都好考膽量㗎！ 越戰越勇，再向難度挑戰！加油！ 跟住就試下玩「超能英雄電玩」先~ 企響指定位置，電腦會按你嘅動作接收訊號，好似置身於場景內咁，好真實！ 唔只小朋友鍾意玩，就連大人都玩埋一份呀！ 如果小朋友年紀較細，可以去「貓鼠鬥智樂園」玩，裹面仲有波波池添！ 每個入到嚟「DC英雄訓練場」嘅小英雄都要透過攀爬、玩滑梯訓練身手~ 真係障礙重重呀！ 過完繩網陣好有成功感！hee~ 無輪障礙物有多大，我哋都一一衝破~ 呢個大滾筒大人過唔到，又係小英雄出場嘅時候喇！~ 入到去呢條滑梯我都唔知轉咗幾多個圈，總之「雪」一聲就轉咗落嚟啦！好玩呀！XD 個場響「DC反斗戰車」上面，玩到攰可以坐響度觀賞小朋友嘅駕駛技術~ 其實訓練場高度都ok矮，大人可能要烏低身跟住小朋友走，跟跟下我都係坐低休息下喇！@@''' 咦！又有新發現喎！ 原來行樓梯都落到去㗎！ 嘩！波波池呀！ 唔只一個，對面仲有另一個~ 過去囉~ 過去囉~ 玩完呢度，我哋都訓練得一身好功夫喇！ 適逢父親節，晴朗正努力為爸爸炮製父親節禮物 除咗在咭上填色設計外，仲有張即影即有嘅相片。嘩！仲唔冧到爸爸暈得一陣陣~~~ 小朋友人有三急，發現洗手間設有兩格小童廁所，好貼心！ 原來上面仲有幾層，不如搭lift上去參觀下囉！ 5樓係Cartoon Club 兩旁有畫板比小朋友填色同畫畫 仲有英雄電玩玩，又可以打機喇！ 遠少少都有一部，玩埋佢啦！ 6樓係party room，好有太空feel呀！唔知嚟開party嘅小朋友駛唔駛穿上太空衣呢？XD 我哋落番嚟一出lift，見到湯姆貓呀！ 仲有翠兒添！ 好鍾意呢張同翠兒嘅全家幅呀！ 臨走仲要玩多轉「反斗彈彈樂」，似乎有啲玩到唔捨得走喎！ 離開嘅時候巧遇Jerry老鼠，職員仲送咗湯姆貓貼紙比我哋，好開心！ 場內有啲遊樂設施有高度限制，最小都要達90cm，想帶小朋友嚟玩就要留意喇！(可按圖放大) 仲要留意埋華納明星嘅出現時間，咁就可以把握機會同佢哋影相啦！ 想睇下我哋嘅玩樂情況，就去片啦！ 華納滿Fun童樂園雖然地方細細，但五臟俱全，兩小時嘅玩樂時間夠晒玩啦！我覺得「華納極速迴旋」同廸士尼嘅巴斯光年好相似，不過巴斯就係射實物，而呢度係射唔同場景，仲會唔知幾時攝咗你個樣同計埋分數添！好好笑、好好玩！響「登峰奇兵」度失敗咗兩次，仲以為朗朗會因此而放棄。估唔到佢會繼續努力嘗試，仲成功咗添！好戥佢開心！呢度唔只玩樂咁簡單，仲可以鍛鍊小朋友嘅鬥志同毅力，真係大人同小朋友嘅親子玩樂好地方呀！ 我哋嚟之前響新濠影滙網站玩刮刮咭中咗8折入場優惠，如果大家有興趣都可以去玩下，話唔定你都中獎，咪可以優惠價入場囉！ "8"在影滙勁獎刮刮卡：http://goo.gl/raIC5A  華 納 滿 Fun 童 樂 園  位置：澳門路氹連貫公路新濠影匯3樓 網址：http://www.studiocity-macau.com/tc/entertainment/detail/warner-bros-fun-zone/華納滿Fun童樂園 開放時間：10:00-19:00 入場費：$200/1大1小(2小時) 返回澳門新濠影滙之旅：http://blog.xuite.net/chinglongtin/blog/426733195