嚟到新濠影滙想食得平靚正？跟住我哋嚟啦！ 「澳門食街遊」有好多嘢食㗎！上去囉！~ 扶手電梯上到去第一間見到嘅係McCafé 右手邊係風味大排檔 想食番啲港式嘅炒粉麵飯，呢度係一個好選擇 仲有好多其他食店呀！個肚開始打鼓喇！ 嚟到澳門點可以唔食葡撻呀？ 餐單可選擇單個/套餐/半打咁買~ 嘩！熱辣辣新鮮葡撻正呀！ 除咗葡撻之外，豬扒包都係必食推介！睇下條人龍就知啦！*o* 包+飲品都只係$40咋！ 仲有幾款麵包選擇 豬扒硬包 豬扒軟包 菠蘿包都有？好特別~ XD 晴朗已經勁期待喇！ 我哋嘅豬扒包製作進行中... 成條食街周圍都有枱櫈，方便遊客買完即刻可以坐低食~ 我哋選擇咗軟包，開餐lu喂！~~ 小朋友口仔咁細，拆件上丫唔該！豬扒包嘅饀料除咗熱辣辣嘅豬扒之外，仲有生菜同蕃茄，配埋沙律醬，好啱我哋口味呀！正~ 食飽包包梗係要食番啲甜品啦！揀下食咩雪糕好先~ 雪糕三文治店有多款口味選擇：菠蘿椰子、椰子... 蕃石榴、班蘭... 士多啤梨、朱古力.... 芒果百香果同埋雲呢拿 咁多口味，究竟揀邊隻好呢？哎吔！選擇困難症呀！~~~ 結果4個人揀咗3種口味：朱古力、芒果百香果同雲呢拿 快啲搵位坐低嘆囉！~ 晴朗都鍾意雲呢拿味~ 晴朗爸爸就揀咗朱古力~ 而我就鍾意芒果百香果。仲記得N年前食過禮記啲雪糕三文治，感覺麻麻哋，但今次再次食呢款雪糕，感覺雪糕質素進步咗，好味喎！very GOOD~ 經過餅店仲要買多個菠蘿包，有冇咁大個胃呀？ 不過又整得幾靚嘅！不如再買啲cake添啦！食食食，肥死喇！XD 臨走不忘買番啲手信比家人、同事。好方便！唔駛出手信街都買到啦！ 呢條食街仲有好多其他食店，梗有一間啱你心意~ (可按圖放大) 「澳門食街遊」呢個地方可以一次過滿足晒我哋想食地道嘢、醫肚、食甜品同買手信四個願望，實在太方便喇！最緊要係平靚正同埋快丫嘛！爭取時間，食飽又去玩囉！~~~  澳 門 食 街 遊  位置：澳門路氹連貫公路新濠影匯2樓 返回澳門新濠影滙之旅：http://blog.xuite.net/chinglongtin/blog/426733195