上年去澳門玩嘅時候，經過工程進行中嘅新濠影滙已經覺得佢個8字摩天輪好特別喇！決心等佢起好，一定要嚟試下。話咁快呢一日終於來臨，好緊張，好期待呀！ 新濠影滙建築好宏偉！8字形摩天輪「影滙之星」簡直係整座大廈嘅焦點~ 一二三四，四張飛，我哋準備搭lift上去喇！ 一出lift已經好近距離咁見到17個以復古科幻為主題嘅觀景廂。Amazing！*o* 中午12點幾，人龍唔算長，唔駛好耐就可以上去感受下喇！勁心急！~~ 響登上摩天輪之前，一齊嚟欣賞下呢啲咁有懷舊feel嘅觀景廂啦！ 側面看~ 正面看~ 話咁快就輪到我哋lu~ woo~ho~~~ 入到去第一感覺係，冷氣呀！巧舒服~ XD 一家人包晒整個觀景廂，勁正！ 好surprise原來每一卡嘅地下都設有一個長方形嘅玻璃地板，可以直望底下嘅景色，不過有畏高嘅就要小心喇！XD 晴朗係都要拉我埋去感受下，既然咁高興，死就死啦！呀~~~. 由摩天輪望出去嘅風景好開揚，向下望係酒店3樓嘅花園 望遠啲白色圓形果隻係澳門蛋，即係澳門東亞運動會體育館 小朋友唔識畏高真係咩都敢試，晴晴背後塊大玻璃設計係微微向外傾斜，佢竟然夠膽成個人瞓落去塊玻璃度，我真係唔敢試囉！＠.＠ 已經升到去8字嘅一半喇！望到對面嘅觀景廂同在旁嘅明星滙大樓 另一邊景觀，向下望係酒店嘅綠野游蹤及戶外游泳池 右手邊金色果幾幢就係好出名嘅銀河娛樂渡假村喇！亦即係我哋上年去過嘅地方，有興趣可以睇番我哋嘅澳門大倉之旅 左手邊望遠啲就係珠海喇！可以望到橫琴沿岸一帶 天方地老，流連在摩天輪.... 晴朗係咁響塊玻璃地板上面跳嚟跳去，好恐怖呀！X_x 快樂嘅時間過得特別快，沿住8字轉完一圈(約12分鐘)又係時候講拜拜喇！ 「影滙之星」已經成為咗澳門矚目嘅新地標，8字形嘅摩天輪聳立響明星滙同巨星滙兩座酒店之間，係全球最高嘅8字摩天輪。每一個觀景廂可容納10人，可能人流唔多嘅關係，我哋一家包咗一廂。勁開心！每次在摩天輪上，望住開揚嘅風景，對住心愛嘅人，總會有一種幸福感。大家如果去澳門玩，一定要嚟體驗下呢個8字摩天輪呀！ 由於酒店package只包兩張摩天輪飛，我哋另外響淘寶買多兩張。咩話？淘寶信唔過？我初時都係咁諗，但搵咗間信譽可靠嘅幫襯，真係會抵好多㗎！各位精明眼可參考以下資料： 悠遊假期：https://travelitem.taobao.com/item.htm?id=526498503731 付款後，賣家會將交易編號send去阿里旺旺同埋以短訊發至手機，攞住呢個交易編號去「影滙之星」票務處就可以攞飛㗎喇！  影 滙 之 星  位置：澳門路氹連貫公路新濠影匯3樓 網址：http://www.studiocity-macau.com/tc/entertainment/detail/golden-reel/影滙之星 開放時間：星期一至五12:00-20:00，星期六、日及公眾假期11:00-21:00 票價：成人$100 / 小童$80 / 澳門居民、長者$85 返回澳門新濠影滙之旅：http://blog.xuite.net/chinglongtin/blog/426733195