邊間buffet食物ok又可以有地方比小朋友玩下，等我哋可以食番餐安樂飯㗎？ Panda Café位於荃灣嘅悅來酒店 (熊貓酒店) 櫈都未坐暖，即刻出去睇下有咩食先~ 海鮮類： 晴朗爸爸好欣賞啲龍蝦仔，密密食~ XD 冷盤類： 日本壽司、刺身類： 壽司係朗朗至愛呀！ 我都唔執輸，食壽司開開胃先~ 熱盤類： 脆卜卜嘅天婦羅好味呀！ 仲有湯麵counter 呢盤海鮮飯陣容好強勁呀！ 新鮮即製海鮮湯 配埋蒜蓉法包正呀！ umm....真係好鮮味，好like呢個湯呀！ 除咗蒜蓉法包，都仲有其他包選擇㗎！ 嚟到小朋友同女仕們至愛嘅甜品區喇！^o^ 試下個朱古力噴泉先~ 自己點朱古力漿，好有滿足感呀！ 晴朗爸爸繼續拆龍蝦，食咁多值回票價啦！XD 仲有青口同螺呀！ 甜品時間！Happy share~~~^^ 每款都唔錯，一齊share咪可以再試多啲款式囉！XD waffle counter 新鮮熱辣嘅waffle一件一件排好 甜品姨姨好好人，為我哋夾來waffle仲介紹每款配料 嘩！哈記雪糕任食呀！*o* waffle+雪糕簡直係絕配！(≧∇≦) 仲有原筒豆腐花呀！ 睇落好滑咁喎！ 加埋黃糖，簡直一流！ 我都去玩下個朱古力噴泉先，哈哈！ 特別為小朋友而設嘅playroom 小朋友除咗食之外，就梗係玩啦！ 今餐係朗朗嘅6歲生日飯，特別揀咗有playroom嘅Panda Café食buffet，自從知道佢哋upgrade咗有海鮮食之後一直都想再嚟試下！食物方面，晴朗爸爸最欣賞啲開邊龍蝦仔，晴晴就鍾意呢度啲半肥瘦肥美叉燒，朗朗至愛嘅係壽司同天婦羅，而我就梗係甜品啦！雖然唔算得上係5星級水準，但都唔錯呀！如果要求唔高，又想有個地方比小朋友玩下，呢度係一個唔錯嘅選擇。而家佢哋做梗限時優惠，好抵食呀！ 【 6 月 限 時 優 惠 】 Lunch Buffet優惠 (至6月11日) $138起 (已包括10% service charge) Dinner Buffet 65折優惠 (至6月30日) 成人 $343.2起 小童/長者 $232.7起 (未包括10% service charge) 順帶一提，book位嘅時候request坐近playroom就方便邊食邊望到小朋友玩啦！  悅來酒店咖啡室 Panda Café  地址：荃灣荃華街3號悅來酒店3樓 電話：2409 3218 網址：http://www.pandahotel.com.hk/zh/