前排有同學仔媽媽發現小朋友放學番到嚟好多蚊爛，班媽媽都互相share一下邊隻牌子嘅蚊怕水、蚊貼比較好，其中有媽媽分享自製蚊怕水都好work，我哋又嚟試下先~ Bye Bye Mostique水溶香薰成份：lemongrass, eucalyptus, peppermint, lavender 另外，預備1支吉嘅噴樽(購自吉之島$12店)同埋礦泉水 先滴15-20滴Bye Bye Mostique水溶香薰油落去噴樽 然後加100ml礦泉水 就係咁簡單完成！呢隻噴樽細，仲可以整到兩支添~ 每朝番學之前一定會幫晴朗噴下手、腳同校服，咁就萬無一失啦！ 初時都係抱住試試嘅心態，keep住每朝回校前噴噴都有一個月，到目時為止效果理想。見其他媽媽仍然為學校啲蚊而煩惱嘅同時，晴朗兩個放學番嚟一粒蚊爛都冇。既然咁work，一定要介紹比同學仔啲媽媽之餘，更要share開去比更多媽媽參考。 有一晚，有隻大蚊闖進我哋屋企四圍飛，好彩比晴朗爸爸及時用膠袋捉住咗。我哋靈機一觸，不如試下滴啲香薰油入個膠袋度做實驗囉！ 觀察期間，發現隻蚊飛飛下好似暈咗咁唔郁，仲跌咗落啲香薰油度孿埋死咗。唔知隻蚊嘅死因係咪真係同啲香薰油有關，但可以肯定嘅係，呢支自製蚊怕水真係work！大家都快啲動手整啦！ 呢隻就係已故的大蚊....RIP~ 精油購自一向幫襯開嘅Nature House，如果大家有買開香薰油，可以作多個參考。我見有媽媽用Young Living嘅Lemongrass自製蚊怕水一樣work呀！  Nature House  電話/whatsapp：55749505網址：http://www.naturehouse.com.hk