慈山寺位於大埔洞梓，依山而建，還在興建梗嘅時候，就已經打算等佢起好，要帶信奉觀音嘅老人家來走走。天朗氣清，實在係去慈山寺嘅好時候，一齊嚟將自己從煩惱束縛中解脫出來，開始一段淨心之旅~ 泊好車在普門路邊，一直行上山，離遠已經可以望到觀音像喇！ 到達慈山寺正門 烏低少少，就可以望到觀音像嘅上身，好興奮呀！ 排隊預備確認登記身份 (一個月前已於網上預約) 一人一張參學證件，入去lu~~~ 第一感覺，建築好靚！同埋好似番咗古時咁呀！ 我哋後面嘅建築名為「山門」，觀音像就響後面喇！ yeah~ 繼續往上行好快就可以見晒全個觀音像喇！ 行經鐘樓，上面有個青銅大鐘 地藏殿位於鐘樓下方，可供善信參拜 對面設有3D立體影院，我哋不如先嚟感受下立體電影啦！ 晴晴戴咗3D眼鏡個樣好搞鬼！XD 就開場喇！預備睇片lu~ 完場後出去見到有啲慈山寺嘅post card，每款攞咗一張收藏~ 再睇下寺嘅圖畫，畫得好靚呀！(可按圖放大) 繼續向淨心之旅進發~ 不過記得沿途要保持「靜」，講嘢要放輕聲呀！ 我哋越嚟越接近觀音像喇！ 普門，即係觀音殿，係慈山寺嘅第二大殿 呢度可以供善信抄經 普門前面有個水池名為「洛伽池」 普門側面亦有一個水池 攞個水砵 取少許池水 托住水砵，小心奕奕 走在慈悲路上 呢個位置終於可以見到全個觀音像喇！ 右手手持摩尼珠，左手持淨瓶，施灑淨水，清涼世界，讓甘露水遍灑大地，象徵菩薩毫無保留的慈悲心 前面呢個大水缸名為「千處應」 將水倒入千處應，原來呢個儀式叫做「供水」 透過照顧水，去照顧自己嘅心 體驗到滴水不漏嘅關鍵在於覺察、專注同放鬆 供水指引 (可按圖放大) 上到嚟，一定要同觀音像嚟番張合照啦！ 像嘅下方望出去景色怡人 遠遠望到馬鞍山嘅風光~ 大庭園對上係大雄寶殿，慈山寺嘅第一大殿 呢個角度加埋觀音像一齊，好有意思~ 上大雄寶殿之前，可以欣賞一下呢盞八角形嘅天燈，有上呈下達嘅意思，係成佛路上嘅明燈 大雄寶殿好似舉行梗參拜儀式，為表示對佛菩薩嘅尊重，留在殿堂門外拍攝 回望景色，感覺好舒服、好靚呀！ 大庭園左邊有藏經閣，係一間比法師用嚟用功、禪坐嘅禪堂 大庭園前方有一座鼓樓，放置咗一個大法鼓 響呢個咁舒服嘅環境下，可以坐響屋簷下嘅木櫈感受一下涼風，靜心休息 呢度叫做「歡喜地」，嚟到可以將心平靜落嚟，輕鬆自在，當我哋清淨身、語、意，自然會心生歡喜 有荷花池 我哋發現到池水裡面有好多小科豆，小朋友睇得好興奮呀！ 荷花仲生得好靚添！ 行咗咁耐，不如坐低休息下啦！露天茶座隔離嘅五觀堂可以比我哋tea一tea~ 有木枱木櫈，環境好舒適~ 排隊領取茶點，唔知有咩嘢食呢？ 飲品有茶，亦有咖啡選擇~ 人蔘茶王、熟普洱 職員正忙着為我哋準備下午茶 嘩！好靚嘅拉花latte，仲有chesse cake添喎！ 茶點係免費嘅，我哋隨心放咗啲錢落去功德箱之後就開餐lu~~ 晴朗爸爸大讚chesse cake好重芝士味，正呀！ 而我就好欣賞咖啡上嘅拉花 鬆下、抖下、chesse cake下！~ XD 臨走要同觀音say goodbye，又影番張先！ 唔講唔知，原來寺內有免費wifi (可按圖放大) 亦都可以download佢哋嘅手機apps，一邊聽住導賞，一邊慢行細賞 (可按圖放大) 蘋果或者android手機都得㗎！ (可按圖放大) 開埋手機藍牙，仲可以偵測到你身處嘅位置，自動播放該位置嘅導賞添！ (可按圖放大) 慈山寺嘅建築設計古式古香 就連一盞燈都設計得咁花巧，可見寺宇嘅用心~ 寺內四處都見唔到燃燒香燭，靜係見到呢度燒住一柱小小嘅檀香，散發住淡淡嘅香味，感覺好舒服！ 比大家睇下送贈嘅post card，係咪好靚呢？    嚟到慈山寺，有種隱世清靜嘅感覺，相信亦係寺宇希望帶給人身心安定，暫時忘記外間波濤嘅用意。晴朗對於「供水」呢項活動感到好新奇，見到佢哋能夠由水池托住水砵去到千水應，呢份專注好值得讚賞！3D影片 - 《恩·緣》片長7分鐘，大部份都係純影片冇咩配音同文字，都幾啱小朋友睇。晴朗主要係留意啲3D效果，片中有一幕有水滴滴出嚟嘅畫面好真實，見到佢哋興奮嘅樣子真係覺得好搞笑。最suprise係寺內竟然有cheese cake同咖啡提供，成間寺突然變得摩登咗！我哋應該尊重每一個導人向善嘅宗教，雖然我哋宗教唔同，但聽完手機apps嘅導賞，有啲哲理係值得我哋學習嘅。今次晴朗公公臨時有事出席唔到，要再約下次一齊再嚟過先得呀！ 慈山寺網站可以預約一個月後嘅日子，不過都好快full。8點開始接受預約，唔駛10分鐘就已經full晒，可能係假日日子特別搶手嘅關係啦！如果大家都想去參觀，記得要留意自己想去嘅日子邊日開始接受預約，同埋要手腳快先得喇！  慈 山 寺  地址：香港新界大埔普門路88號 電話：21238666 網址：http://www.tszshan.org