百忙中都要抽空去拍下拖，先可以平衡一下緊張嘅生活加嘛！今次嚟到Häagen-Dazs試下佢哋個tea set，睇下係咪傳聞中咁正先！ Häagen-Dazs皇室堡分店 呢間地方好大呀！ 坐響落地玻璃窗口位，可以邊嘆邊睇風景，爽！ 有咗小朋友都要安排一下二人世界先得㗎！yeah~ (感謝老爺奶奶) 就係呢個喇！係我哋嚟嘅主要目的~ (按圖可放大) 唔駛一陣，個tea set就上枱喇！超吸引呀！ zoom埋啲比大家睇下先~ 第一層係6球自選味道嘅雪糕 第二層係多款唔同口味嘅糕點 生果甜酥 甘荀蛋糕 玫瑰慕思 紅桑子馬卡龍 檸檬果撻 下層係新鮮水果，食雪糕嘅時候加埋水果一齊食，簡直係絕配！ 我唔客氣喇！wakakaa~ 呢個小甜酥好鬆脆，配埋水果嘅鮮甜味，大愛呀！ 一口蛋糕，一啖茉莉花茶，感覺真係好悠閒~ 小小甜嘅mousse配埋曲奇餅底，好味呀！ macaron造得好精緻，唔會太甜，啱晒我口味 檸檬tart酸酸哋，好開胃，好想要多件呀！ 邊食邊嘆茶，幾咁寫意呢~ 日日都係咁你話幾好？XD 臨走留意到佢哋已經做梗母親節special喇！ 母親節雪糕蛋糕+禮品 $1380 (按圖可放大) 呢個就係母親節禮品喇！係咪好靚呢？ 原來玻璃入面嘅保鮮花可以擺到兩三年㗎！ (按圖可放大) 香港人平日生活實在太繁忙喇！間唔中抽空去悠閒一番，真係幾寫意。Häagen-Dazs呢個浪漫花園下午茶套餐只在附設堂食嘅分店提供，你都快啲plan下幾時去嘆番下啦！    Häagen-Dazs 堂食分店  皇室堡分店：銅鑼灣告士打道311號皇室堡2樓212號舖 電話：2894 8663 蘭桂坊分店：中環蘭桂坊德己立街24號地下 電話：2869 9158 太古城分店：太古太古城道18號太古城中心一期5樓503號舖 電話：2907 1518 朗豪坊分店：旺角亞皆老街8號朗豪坊4樓13號舖 電話：3514 9116 圓方分店：尖沙咀柯士甸道西1號圓方(Elements)1樓1106號舖 電話：2196 8328 東港城分店：將軍澳重華路8號東港城2樓A區 電話：2628 7132 V City分店：屯門屯門鄉事會路83號V City商場MTR層53號舖 電話：2907 1538