爸爸近呢年愛上跑步, 得閒無野做自己走出去跑, 一見到D 親子跑就一定睇下幾多歲可以參加, 叫埋亞女一齊去活動下 係3月13號, 我地一家參加佐「百仁基金 beHERO Run 2016」 3公里親子組, 呢個連細佬有得報埋名, 當然係佢亞媽我代行啦! 一早揸車入欣澳泊低再坐迪士尼線入去, 實在太早了, 迪士尼個停車場都仲未開, 想泊入去都唔得 個朝都幾大風, 唔太晒, 未行之前, 仲驚會落雨添呀 爸爸好犀利啦, 第一個報名, 羅到1至4號 未跑前景點影相係常識吧 好啦, 夠鐘起步啦, 眼見一定細佬係最年幼參加者 3公里對家姐黎講其實都長, 我地跑佐少少, 大部份時間都係行, 到折返點, 家姐話想影相 沿途無扭就呃你o既, 但都起碼係絕大部份先扭 10公里組個5公里牌又話要影 好啦, 去到迪欣湖叫你影又唔影 我地用佐唔駛一個鐘頭完成, 收貨 行完有補充包派, 家姐即刻要食佐隻蕉 有機會時間容許, 都多帶小朋友參加呢類活動 又可以親子, 又可以幫到人, 實在太好了 E-mail: babytiggerbuzz@gmail.com Facebook: https://www.facebook.com/wongaretha MyBB Blog: http://www.mybb.com.hk/?fromuser=buzzqoo She Blog: http://blog.she.com/buzzqoo/ Mamibuy: https://mamibuy.com.hk/home/448/article