恐龍出沒注意!! 吼!! 恐龍風近期真係大熱,我哋去咗屯門一間小店。 小店主題以恐龍為主,小店內有恐龍森林嘅感覺!! 而每一張台,都有提供恐龍玩具讓客人遊玩。 真係好細心呢~~ 我哋當日大概7時前到達,不過當日外賣訂單較多。 所以入座前,店員已預先同我哋講咗落單後等候時間會比較長。 不過,唔緊要啦。 座位上有免費玩具提供,都可以消磨時間。 至於餐牌上,都有好多選擇。 也有二人餐、四人餐選擇。(詳細餐牌,於文末部份) 不過,我哋最後選擇散叫。 而家仲有85折優惠,所以都好抵食!! 一家四口食,叫咗3碟食物加3杯飲品,加埋加一服務費,埋單都係三百凌蚊~ 唔好睇佢係小店,佢價錢都抵食,而且味道質素仲好好!! 我哋點咗3杯飲品 - 原味朱古力及薄荷朱古力 (折後$16/杯) 茄汁肉丸長通粉 (折後$58) 霸王龍小食拼盤 (折後$98) - 雞翼、芝士條、魷魚圈、煙薰豬肉蜜糖腸、雞肉直布羅陀腸、鹽酥雞粒、薯角、洋蔥圈。 個芝士條超正,仲可以拉絲架!! 肉醬香腸比薩 (折後$72) 唔辣,所以小朋友都食得! 兩姊妹食到唔出聲,因為好好味~ ^ 恐龍森林主題 「為食恐龍」係一間小店,餐廳座位唔算好多~ 「為食恐龍」餐牌 **溫韾提示** 餐廳不設BB櫈,有兒童餐盤餐具。 由於係餐廳比較細,餐廳內亦不設洗手間。 要去洗手間的話,就比較麻煩。 要離開餐廳,轉左過馬路再行一小段路先到達到公廁。 公廁衛生程度,亦不理想,亦沒有換片台。 所以,大家自行考慮哦~ 【為食恐龍 @ 屯門】 地址:屯門湖翠路2號美樂花園商場地下64號舖 電話:6352 2939 營業時間: 星期一 5:30pm. - 10:00pm. 星期二至日 11:30am. - 10:00pm. ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel https://www.youtube.com/c/Wagyubmami ============================ 我的網店C.Mozo Store https://cmozostore.mallogram.com/zh-hk/