一講起千層蛋糕，大家係咪都會諗起大品牌嘅千層蛋糕?   我同和牛B都好鍾意食甜品，而千層蛋糕俾我嘅感覺係。 佢一啲都唔膩，而且有入口即溶嘅感覺!!   原來所需材料都好少，做法亦都好簡單，不過要花多少少心機。 因為要一層一層咁疊上去~     材料:  低筋麵粉...100g 砂糖...12g 牛奶...200ml 雞蛋...1隻       做法: 1. 將麵粉、雞蛋、砂糖倒入器皿中   2. 最後倒入牛奶，拌勻至無粉粒        ^ 呢個神器非常好用!! (購自$12蚊店)    3. 煎pan/ 鑊預熱後，放入圓圈模，在倒入麵漿，轉為中至細火。     4. 快手用湯勺令整個圓圈模都佈滿麵漿。     5. 兩邊都需要煎熟，重覆數次，直至麵漿用完。     !!裝飾部份!! 我採用懶人法，所以買咗現成嘅Cream，一劑就有Cream~ 蛋糕皮放涼後，就可以開始進行餘下部份。     6.擠出適量Cream，用將Cream平均塗抹。      7. 放上另一塊蛋糕皮，再塗上Cream，重複步驟直至最後一塊。      8. 我用士多啤梨作蛋糕麵作飾，其實也可以灑上朱古力粉或糖霜亦得。(隨個人喜好)        如果再有心機，Cream自己打的話會更可口美味。 甜度亦可以由自己調教呢，記得蛋糕皮一定要放涼，就唔會導致Cream溶化哦~       ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/