戴口罩、買口罩買到窮，已成為生活一部分... 回想返，和牛B個妹妹出生於疫情最嚴重嘅時期，好記得當時住醫院都提心吊膽。 自己住醫院期間，全程包括瞓覺都戴口罩。   只有在進食、飲水期間先除低口罩...   ^ 妹妹當時仲係半歲前，所以未能戴口罩   但BB可以點呢? 咁細嘅BB唔可以戴口罩，因為佢哋呼吸比較弱，所以係絕對唔可以戴口罩!!   我唯一嘅辦法，就係帶定便攜式嘅空氣淨化機放喺BB床入面(放於安全位置)。     仲記得妹妹出院嘅時候，就最為擔心.... 當時防飛沫罩仲未盛行，市面亦未見有得買。 我唯有單手抱住妹妹，另一隻手拎住「立體口罩」幫妹妹遮擋，再上車返屋企。   到第一次返健康院，仍然未有防飛沫罩。 同樣唯有單手抱住妹妹，另一隻手拎住「立體口罩」幫妹妹遮擋或者餵奶巾。   後來市面上，終於推出更多適合嬰幼兒使用嘅防疫裝備。 真係超方便，而每個階段都有唔同嘅裝備可以選擇。   最初，妹妹仲細我會考慮推BB車加雨擋，就最全面! 而妹妹亦喺BB車入面，亦唔需要戴口罩同埋防飛沫罩。     到天氣好熱嘅時候，我哋嘗試過用呢款防飛沫罩。 不過，掛頸呢條繩一定要將兩邊夾實喺BB車先比較安全。 但如果BB大力拉扯...就通常都遮唔到BB了.....   ^ 妹妹當時仲係半歲前，所以未能戴口罩   另一個方法，同樣唔太work... 因為BB瞓喺BB車，頭仔左右郁動的話。 防疫帽會走位，同埋罩會飛起… 所以，唔係好夠周全保護呢....   ^ 妹妹當時仲係半歲前，所以未能戴口罩   如果用Hip Seat的話，用掛頸款防疫帽。 頭頂部份冇密封，少少通風...不過天氣熱都係會焗到妹妹出晒汗...T^T   ^ 妹妹當時仲係細，所以未能戴口罩   到BB可以自行坐好嘅時候，戴防疫帽尚算可以遮擋。   ^ 妹妹當時仲係半歲前，所以未能戴口罩   到妹妹差唔多10-11個月大，我哋就開始同佢訓練戴口罩。 最初，我哋都會喺屋企同佢習慣一下。   但本能反應，佢第一件事就係會扯甩口罩，都係正常反應。 所以，最初經常都會扯爛口罩...   後來，外出我哋為咗安全起建。 戴口罩之外，都會戴上防疫帽/ 掛頸式防飛沬罩。   以防萬一，而呢個外出方式。 亦可以令BB習慣，外出係要戴口罩。       而家妹妹一歲半，已經習慣喺街要戴口罩了。     雖然，妹妹已經習慣戴口罩。 但當遇上妹妹扭計嘅時候，口罩都係會扯爛無數個... 所以，出街手袋一定要帶備4-5個以上嘅口罩....   其實呢種生活，到底幾時完呢... 好想出街影到BB笑梗嘅靚相呀...     【和牛B個妹。Login成長日記】一至三個月大嬰兒發展 【和牛B個妹。Login成長日記】1歲半健康院檢查 【和牛B個妹。Login成長日記】技能解鎖 – 刷牙 在家Messy Play | 100%食物製顔料 x 安全放心 x 污糟貓 【二寶媽媽】湊B心得。第二胎比第一胎照顧得更輕鬆 【育兒分享】大寶 VS 二寶 養育大不同 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/