Lunch 約同事食泰國野,我地去左銅鑼灣廣埸嘅泰 Thaiology,見openrice有得訂位所以book來試試,餐廳安排我地坐窗邊卡位,座位寛敝舒服,望住銅鑼灣街景食又幾寫意 ~~ Lunch set有8個餐選擇,我地2個女仔就點了#黃咖哩豬肉 配香酥薄餅 和 #泰式蝦肉炒金邊粉 (各$78) 一齊Share食,午餐包埋冷/熱飲品,價錢合理。 黃咖哩豬肉 的咖哩汁很香椰子味,味道唔太鹹連埋香酥薄餅一齊食好好味!咖哩的饀料十足,豬肉片、蔬菜都很豐富齊備,因為個汁太好味,略厭唔夠多汁撈薄餅食,薄餅很鬆脆,如果再大塊D就好了! 泰式蝦肉炒金邊粉 好有鑊氣,師傅炒得唔錯,條條金邊粉分明,又唔油膩,而且都好多蝦,蝦肉又夠大隻!加少少青檸汁就好惹味,我地成碟清哂,證明係好味! 泰 Thaiology @thaiologyhk 銅鑼灣廣埸二期6樓 #泰迷 #泰國美食 #銅鑼灣新店