晴晴一向都是個健康的小寶寶,除左便便不是日日有之外,算是一個健康的小寶寶。 前幾日夜晚突然發燒,37.5度以上, 有時38度, 食左退燒藥退了, 但睡前還是有少少燒, 幸好第2日起身就退了。 隔左一日突然又發燒, 仲有少少肚痾。雖然沒有亂食野, 但唔知點解肚痾起來。 晴晴雖然精靈、玩、食都沒有問題, 但食的量唔多, 始終都唔放心。最後睇左醫生, 醫生說可能是作感冒引起的腸胃炎。 餵小朋友食藥是一個很大的挑戰, 一來是新手, 二來大人都唔鐘意食藥, 何況小朋友 起初一、兩次可能因為唔舒服, 晴晴就算唔願意都肯食, 後來慢慢好起來, 反抗的能力就更高, 捉不住更吐出黎。經過多次餵藥..真的很氣餒...身邊的那個又幫不到手... 一股無力感突然湧上心頭, 哭了出來。一來害怕藥過左咁耐都食唔到, 過左時間, 二來都不知怎樣做成能令晴晴成功食藥。擔心又難過...最後身邊隊友見到現狀, 終於肯出手一齊完成食藥。 現在晴晴終於好返, 藥食哂, 成功再便便, 並且係健康的便便。 經過今次的小病, 更加知道做媽媽的辛勞, 媽媽的不容易。從晴晴出生開始,都係由我一手一腳湊大,經歷左很多的第一次。做左媽媽之後,真係好似變左super woman一樣, 能力比以往的自己強好多。好多野以為自己做唔黎, 最後都能夠完成。