[26w6d] 我就去咗QE做妊娠糖尿測試 兩日後就收到電話話我唔合格 係有妊娠糖尿???? 當下真係好唔開心 (雖然我知自己原本都是高危一族) QE就通知我要去做全日血糖測試 係當入院由早上0830到晚上2030 足足12個鐘 心諗唔係咁大鍋呀 好彩上網睇咗其他blogger寫既個心先定返 [QE全日血糖測試] 當日好準時就去到QE E座產後房 大約有10位孕媽媽 係一間房一齊坐 去到要同姑娘報到後 就去辦理入院手續 之後呢就上房抽一次空腹嘅血糖 抽完就可以食醫院俾你嘅早餐<肉碎粥> 當日時間表： 之後有營養師講解妊娠糖尿既飲食 姑娘介紹血糖機 因為日後就要自己每星期一至兩次驗血糖 到時姑娘會派埋優惠券畀你可以喺醫院下面買血糖機 第二次嘅驗血又嚟啦 姑娘介紹個血糖機點用啦 之後就會畀你自己親身試下 驗完就可以食午餐 午餐算唔錯，係碗湯一啲味都冇，就冇飲過啦 因為姑娘都建議我哋食完之後要行30分鐘 可以幫助降低血糖 所以食完午餐就落去下面買血糖機 都有幾款可以選擇 我揀左$400有100張試紙同針  Hea下又夠時間返去驗血 中午時間比較多 我自己就有出返去佐敦行下 雖然要入院但係響醫院冇床位畀你瞓 自己冇嘢做 就可以去行下街 所以當日嘅晚餐係最慘㗎初有冇味粟米魚柳 都係冇味，唔知食緊啲咩???? 不過經過呢一日我所有嘅血糖都係正常嘅範圍入面 就唔需要留院觀察啦 等到8:15 check多次血糖就可以走 只係日後就會轉到糖尿產科 需要兩個星期見一次醫生 同乖乖自己驗血糖 雖然要戒口嘅嘢食非常多 同埋跟營養師餐單 一定食唔飽???? 但為咗bb嘅健康著想 就忍埋最後呢兩個月啦!