【  安妮媽媽親子教室。DIY利是封小花燈 】 安妮媽媽一向都有將靚的利是封留起重用，既環保又唔會浪費咁靚的設計。今個農曆新年我就揀左一些出來教Aidan製作環保小手工，其中一樣就係小花燈喇！ 一個長方形利是封就可以整到一個小花燈，又可以教Aidan循環再用的好處，用自己親手製作的小花燈裝飾屋企，既環保又夠哂靚呀！ 你哋屋企有無靚靚利是封呀？快d同小朋友一齊製作啦，好簡單架！ ========================== 創作過程: - 將長方形利是封用????刀把三邊cut開，一分為二   - 封底用????刀 cut走兩條5mm左右寛的長條，再係長條左右兩邊貼上雙面膠紙   - 封面左右兩邊向外摺入5mm，中間位置用????刀打直cut開一條條。   - 將封面貼在封底上面，再圍圈貼實 - 最後用封底cut出來的長條做手抽   **由於我想俾Aidan自己創作，所以我將封面對摺，俾佢用剪刀剪出一條條，雖然完成後的小花燈會有摺痕，但小朋友可以參與到佢會好開心，小花燈又可以多一個設計。 ========================== 希望大家喜歡今次的親子創作分享啦。 材料: 長方形利是封，雙面膠紙，剪刀，????刀 ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com