好耐冇去過室內親子遊樂場玩了，眼見疫情稍為緩和。 趁住萬聖節帶咗和牛b同妹妹去黃埔全新嘅遊樂場 KidzTech。        KidzTech佔地56,000尺親子共融空間，成個場地都對住無敵大海景，有自然光，所以都好舒服。      而且有室內大型遊樂場、仲有Fill in餐廳、廚藝教室、多用途派對場所、教育中心、共享工作空間！ 呢到有巨型七彩繽紛嘅繩網陣，仲有幼兒玩具小馬等。    ^ 背住無敵大海景，影嘅全家福都靚啲~   巨型七彩繽紛繩網陣。     ^ 有朋友壯膽，今次和牛b都膽爬上去 玩繩網陣的確需要力氣、膽量，所以都係一個好好嘅玩意！        ^ 遙控車區、及野生動物森林。     ^ 兒童變裝區，可以扮公主、消防員等。    大型沙池區，和牛b成日想去沙灘玩。     呢到就非常適合佢了，因為工具都有齊。      玩完仲有風筒，可以吹走腳上嘅沙。      適合幼兒嘅區域，呢到有好多幼兒玩具。     玩具都正好適合妹妹玩了。    親子互動玩波嘅好位置，入面有唔少裝置都好有特式，與STEM扯上關係。        仲有滑梯區，疫情關係所以此區原有嘅波波，現時都唔會擺放。          仲有超刺激，三米高滑梯~ (遊戲適合110cm身高以上兒童玩)       有動有靜，遊戲室仲有圖書閣《繪本花園》，呢到有好多圖書，亦有閱讀區。        ^ 地下仲有3D影相位    ^ 大型立體積木   ^ 大型積木牆     亦有電動車場，讓小朋友盡情享受駕駛樂趣       Halloween主題派對仲到工作坊，可以製作不織布糖果袋，和牛b揀咗呢個小屋仔款。        ^ 工作坊嘅空間亦好大    ^ 認真製作嘅和牛b    ^ 話咁快就完成了 場內氣氛都好好，小朋友都扮鬼扮馬，仲有好多可愛萬聖節裝飾。仲有姐姐派糖，和牛b同朋友都超開心呀！    進入遊戲區，都需要除鞋，並需要穿上襪子先可以進入。      玩完一輪超放電、超肚餓！  所以，就去咗佢哋嘅Fill in餐廳食個萬聖節午餐。    <前菜沙律> 好特別，因為加上了藜麥，好新鮮！     <紫薯湯> 未試過，原來又幾好味，不過再熱啲就更加正！我比較鍾意熱辣辣~    <燒美國頂斧頭扒14oz> 正！我哋叫咗7成熟，唔會好血淋淋，亦唔會好鞋！好juicy！    <香煎立魚配檸檬牛油汁> 好清新，魚都好食好滑！     <萬聖節美國安格斯牛肉漢堡配薯條> 造型好可愛，係一隻小怪獸~        <萬聖節肉醬墨汁意粉> 和牛b好鍾意食墨汁意粉，今次呢個係萬聖節版。造型好特別，而且味道都好適合小朋友！         <血浴蒟蒻> 甜品，味道酸酸微甜，消濟一流呀！   友善設施: 育嬰室及母乳餵哺乳室，而男、女洗手間內亦設有兒童廁所。     KidzTech嘅兒童創意區，仲有多項手工workshop。       如果想去玩，記得先上網預約。  遊樂場預約連結: https://bookeo.com/kidztech 亦建議想到Fill in餐廳用膳的話，可以先預約。   餐廳網址: https://www.facebook.com/fillindc  餐廳電話: 9545 6909    【KidzTech。黃埔】 地址：九龍黃埔環海街11號海名軒5樓  查詢: https://bit.ly/38pQA9H 或3168 6809 (遊樂場熱線)       -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。