趁住假期，又好天氣就約埋朋友一齊去戶外玩。 我哋今次去咗元朗流浮山嘅《繽紛世界親子農莊》遊玩，呢到嘅走動空間都算大。 除咗有得玩，仲有影相打卡位，亦有BBQ區。     第一次到訪《繽紛世界親子農莊》，官網上有好多活動，可能因為疫情關係。 所以現時都冇咗，例如: 工作坊、攤位遊戲。     和牛B一嚟到，已經好開心! 因為見到有好多靚嘅影相位，仲有得玩手搖船，特式韆鞦等。   公園放電區，仲有大彈床           旋轉單車，同時可供6位小朋友一齊玩~     以前公園特有嘅氹氹，不過而家已經買少見少了。     特式韆鞦     挖掘機遊戲，可以扢波波同埋挖泥~         扭扭車及單車場，有兩款車款可以選擇。           電動車     每次可以一人或二人乘座，110cm身高才可以進入遊玩。       手搖船，每次大概有4-5艘小船同時遊玩。     同一艘小船，最多可以坐2位小朋友。     充氣彈床，超放電呀!       仲可以買糧草餵羊仔~($10/草)       影相打卡位，心心隧道~     巨型園藝三角琴~     園藝風車     女神打卡位       **溫韾提示** 戶外活動關係，建議預先搽防曬、準備好帽、防蚊用品。 以及帶定水及乾糧。 同埋記得戴好口罩、勤用消毒搓手液。   *因為場地可到BBQ區買飲品，但係小食就冇得出售 (例如: 魚蛋、燒賣)   收費: 入場費: $30/位 全日玩樂套票: 星期一至五: 全日樂園套票 $ 140/位 星期六、日及公眾假期: 全日樂園套票 $ 180/位 套票可免入場費 (每張套票以一位計算)   購買遊戲套票，可以任玩以下項目; 碰碰車、扭扭車、挖掘機、碰碰球、充氣彈床、蹦跳彈床、波波池、草地滾輪、滑梯、三輪車、親子船       前往方法:  - 天水圍-西鐵站 (B出口-落巴士站) →轉乘 K65 免費接駁巴士 (八達通-西鐵乘客 免費轉乘) →流浮山總站落車  - 元朗市(大馬路) 乘 K65 港鐵接駁巴士 →流浮山總站落車   駕車去的話，農莊設有免費停車場   【繽紛世界親子農莊】 地址: 新界元朗流浮山深灣路 (深灣畔旁) 電話: 5402 9197(鄧小姐) http://www.yl.hk/cgw   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami